Şrift ölçüsü:
A+
A
A-
Kr
14 Aprel 2018

İngilis general Əsədi müdafiə etdi və yayım...

Britaniyanın "Skay Nyus" telekanalının aparıcısı Krallıq Silahlı Qüvvələrinin İraqdakı bölmələrinin sabiq komandanı, istefada olan general Conatan Şou ilə canlı yayımı o, Duma şəhərində ehtimal edilən kimyəvi hücumun Suriya hakimiyyəti üçün mənasız olması barədə danışmağa başlayan zaman kəsib.

Report xəbər verir ki, Şou canlı yayımda çıxışı zamanı bildirib ki, qələbə qazanmaqda olan Suriya hökuməti üçün hazırkı vəziyyətdə kimyəvi silahdan istifadə etməyin heç bir mənası yoxdur.

"Güman edirəm ki, biz nəyisə diqqətdən qaçırırıq…və məhz Suriyanı bu vədədə və bu yerdə kimyəvi hücuma hansı motiv sövq edə bilər. Suriyalılar axı qələbə qazanırlar", - deyə o bildirib və əlavə edib ki, bu barədə, xüsusilə də, amerikalı hərbçilər danışırlar.

O deyib ki, hətta ABŞ prezidenti Donald Tramp Tvitterdə terrorçular üzərində tezliklə qələbə qazanılacağı və amerikalıların Suriyanı tərk edəcəyi barədə yazıb.

"Və birdən biz kimyəvi hücum xəbərini alırıq", - deyə ekspert sözünə davam etmək istəyib.

Bu zaman aparıcı gözlənilmədən hərbçinin sözlərini kəsib və fikrini tamamlamasına imkan verməyib.

"Üzr istəyirik, çox təəssüf ki, bizi uzun müddət gözlədiniz, amma yayımı dayandırmalıyıq. Çox təəssüf edirik", - deyə aparıcı bildirib və ardınca hərbçi ilə əlaqə kəsilib.


85 dəfə baxılıb
Loading ...
Nur-Az Xeber
20.04.18, 09:35
Bakıda bıçaqlanma olub
19.04.18, 07:29
Ucar sakini intihar edib
18.04.18, 10:12
Ucar sakini intihar edib
Go to TOP