Şrift ölçüsü:
A+
A
A-
Kr
12 İyul 2014

"Sovetski"də söküntüyə razı olmayanların evi talan edilir

Keçmiş “Sovetski” məhəlləsinin sökülməsi  və sakinlərin köçürülməsi ilə bağlı  razılıq əldə olunsa da söküntü ilə razılaşmayan sakinlərin problemləri hələ də həllini tapmır.

N.Nərimanov küçəsi ev 68 ünvanında yaşayan Mədinə Seyidəmirova adlı sakin evindən çıxmaq istəmədiyini deyir. O, 67 kv/metr olan mənzilinə veriləcək konpensasiyanın az olmasına görə mövcud şərtlərlə razılaşmadığını deyir.

Şikayətçi bundan öncə icra hakimiyyətinin yerli nümayəndələrinə evdən çıxmayacağını, evinin qarşılığında ev istədiyini bildirdiyini deyir:

“Evim 67 kv.metr olduğu üçün mənə verilən konpensasiyayla Bakının ən ucqar yerindən ev ala bilərəm. Mən əvvəldən də demişdim ki, mənim hazırda söküləcək evimin yerinə yeni ev verilsin. Abid Şərifov açıqlamasında demişdi ki, kv/metri aşağı olan mənzillər yeni mənzillərlə dəyişdiriləcək. Ancaq bu da söz olaraq qaldı. Əməldə heç bir iş görülmədi”.


Mədinə Seyidəmirovanın sözlərinə görə, hazırda onu əsas narahat edən problem evdən daha çox hər gün yaşadığı hadisələrdir. Belə ki, şikayətçi evindən çıxmadığı üçün hər gün evinin qonşuluğunda yerləşən və bir hissəsi sökülən evlərdən oğurluqların edildiyini deyir. Onun sözlərinə görə, artıq məhəllədə təhlükəsizlik adı altında heçnə qalmayıb:

“Sökülən evlər talan edilir. Hər gün qorxu içərisində bu hadisələrə tamaşa edirik.  Sökülən evlərin qapılarını, pəncərələrini başqa yerdə satmaq üçün çıxardırlar. Ötən gün həyətdə mənə məxsus xalçalar da oğurlandı. Polisə zəng edərək məlumat verdik. Düzdür, oğruları tapsalar da, baş verənlər bizi qorxu içində saxlayır”.


Şikayətçi deyir ki, onun evinin üstündə yerləşən evin boşaldılmasından sonra həmin evlərdə söküntü işləri aparılır:

“Biz evdən çıxmadığımız üçün bütün vasitələrdən istifadə edib bizi bezdirməyə çalışırlar. Üstümüzdəki qonşu evini boşaldıb. Demək olar ki evi yerlə-yeksan etdilər. Bizim evin damı da artıq uçmaq üzrədir. Belə getsə küçədə qalmağa məcbur olacağıq. Həm oğurluğun artması, həm də bu cür söküntülərlə məni evimdən çıxartmaq istəyirlər”./azxeber/
1149 dəfə baxılıb
Loading ...
Nur-Az Xeber
07.12.16, 10:54
Hətta bir yuxusuz gecə...