Şrift ölçüsü:
A+
A
A-
Kr
31 İyul 2014

Tovuzun icra başçısı şikayətçilərdən qaçdı

"Elə bil Tofiq Zeynalov padşahdır»

«Tovuz rayonunda sosial durum acınacaqlı həddədir. Kimə şikayət ediriksə, səsimizi dinləyən yoxdur. İcra başçısı Tofiq Zeynalov isə o qədər arxalıdır ki, hətta mətbuatda da bizi eşitmirlər». Bu sözlər daxil olan bir qrup tovuzlunun şikayət məktubundadır.

Şikayətçilər bildirir ki, onlar aylardır icra başçısının qəbuluna düşməyə çalışsalar da, buna nail ola bilmirlər: «Əslində bizim problemlərimiz başçıya məlumdur. Hərəmizin bir dərdi var. Kimi sosial yardımla bağlıdır, kimi torpaq haqqının bərpasını istəyir, kimi də övladının qanunsuz həbsindən şikayətçidir və s. Amma başçı ilə görüşə bilmirik. Elə bil Tofiq Zeynalov padşahdır».

Sakinlərin məktubunda deyilir ki, onlar problemlərilə bağlı əlaqədar təşkilatlara müraciət etsələr də, hər dəfəsində şikayətləri geriyə - icra başçısının üstünə qaytarılıb: «Tamam, problem yerində həll olunmalıdırsa, nədən başçı bizdən qaçır?

Hansı qəzetə üz tuturuqsa, başçı ilə dost olduğunu bildirir. Bəs, biz qara camaatın dostu yoxdurmu?»

Onu da bildirək ki, Tofiq Zeynalov Dövlət Baş Yol Polisi İdarəsinin rəisi Ramiz Zeynalovun doğmaca qardaşıdır. Görünür, başçıdan edilən şikayətlərin səmərəsizliyi də bununla əlaqədardır.

Bildirək ki, bu günlərdə Tofiq Zeynalov "Şöhrət" ordeni ilə təltif olunub. Hər halda görünəni odur ki, Tovuzun icra başçısının təkcə orden məsələsində yox, həm də narazılıq yaratmaqda da yetərincə şöhrəti var...

Qarşı tərəfin də mövqeyini işıqlandırmağa hazırıq./dia/
1387 dəfə baxılıb
Loading ...
Nur-Az Xeber