Şrift ölçüsü:
A+
A
A-
Kr
21 Avqust 2014

Davudoğlu baş nazir oldu

Türkiyədə yeni baş nazirin adına aydınlıq gəlib.

Türkiyənin yeni seçilmiş prezidenti Rəcəb Tayyib Ərdoğan verdiyi açıqlamada xarici işlər naziri Əhməd Davudoğlunun baş nazir təyin olunduğunu bildirib.

Bundan əvvəl avqustun 21-də yeni Baş nazirin təyin edilməsi haqqında qərar qəbul olunacağı deyilirdi.

Türkiyənin hakim Ədalət və İnkişaf Partiyasının (AKP) sədri vəzifəsinə də xarici işlər naziri Ə.Davudoğlunun namizədliyi irəli sürülüb.

Bu qərar partiyanın Mərkəzi İcraiyyə Komitəsinin iclasında qəbul olunub.

Ə.Davudoğlunun namizədliyi AKP-nin avqustun 27-də keçiriləcək təcili qurultayında təsdiq olunmalıdır.

Qeyd edək ki, Türkiyədə prezident seçkiləri avqustun 10-da keçirilib.

Seçkilərdə 51,8 faiz səs çoxluğu ilə Baş nazir Rəcəb Tayyib Ərdoğan qələbə qazanıb. Türkiyə Prezidenti Abdullah Gülün səlahiyyət müddəti avqustun 28-də bitir.
1031 dəfə baxılıb
Loading ...
Nur-Az Xeber