Şrift ölçüsü:
A+
A
A-
Kr
10 Sentyabr 2014

Eldəniz Quliyevi gözlənilmədən məhkəməyə çağırıblar

Azərbaycan Ziyalılar Birliyinin rəhbəri Eldəniz Quliyev DİN rəhbəri Ramil Usubovun iddiası haqqında iş üzrə təcili olaraq Nəsimi rayon məhkəməsinə çağırılıb. “Mənə polisdən zəng ediblər və bu gün (sentyabrın 10-da) saat 17:30-da Nəsimi rayon məhkəməsinə çağırıblar. Məhkəmədə həbs qətimkan tədbiri məsələsinə baxılacaq”, deyə Quliyev Turan-ın müxbiri ilə söhbətində bildirib.

Xatırladaq ki, Quliyev avqustun 20-də öz facebook səhifəsində yol polisinin əməllərini tənqid edib. DİN rəhbəri bunda bütünlükdə polisə qarşı təhqir və böhtan görərək, polisin şərəf və ləyaqətinin müdafiəsi haqqında iddia qaldırıb.

Sentyabrın 8-də məhkəmə linqvistik ekspertiza təyin edib. Quliyev hesab edir ki, bu cinayət təqibi siyasi motivlidir və onun Ziyalılar Birliyinin rəhbəri və Milli Şuranın üzvü kimi ictimai-siyasi fəaliyyəti ilə bağlıdır.

E.Quliyev "Azadlıq"a açıqlamasında gözləntilərini dilə gətirib. O, məhkəmədən istənilən qərar gözlədiyini deyib: "Məntiqdən uzaq məmləkətdə yaşayırıq. Burda heç nə məntiqlə izah olunmur. Məhkəmə hərəkət imkanımı məhdudlaşdıra bilər. Ancaq həbs də edə bilərlər. Bunlardan nə desən gözləmək olar".
939 dəfə baxılıb
Loading ...
Nur-Az Xeber
06.12.16, 11:00
Mosulda uğurlu əməliyyat
06.12.16, 09:10
40 dərdin dərmanı