Şrift ölçüsü:
A+
A
A-
Kr
08 Oktyabr 2014

Kobani uğrunda yenidən şiddətli döyüşlər başladı

Suriya-Türkiyə sərhədi yaxınlığında yerləşən Kobani şəhərinin küçələrində “İŞİD” və kürd qüvvələri arasında yenidən şiddətli döyüşlər başlayıb. Bu barədə “Əl Mayədin” telekanalı məlumat yayıb.

Qısa fasilədən sonra güclü döyüşlər eyni vaxtda şəhərin şərq, qərb və cənub istiqamətlərində başlayıb. Kürd döyüşçüləri şəhərin bir hissəsinin terrorçuların nəzarətinə keçməsi barədə xəbərləri təkzib edirlər. Onların sözlərinə görə, qızğın döyüşlər şəhərin ətrafında gedir, burada yalnız ayrı-ayrı tikililər terrorçuların nəzarətinə keçib. Telekanalın məlumatına əsasən, kürd özünümüdafiə qüvvələri ötən gecə 35 terrorçu məhv edib.

Türkiyə hakimiyyəti, öz növbəsində, Kobanidəki vəziyyətlə əlaqədar Suriya ilə sərhəddə ordu birləşmələrini gücləndirir. Sərhəd zonaya çoxlu sayda tank və zirehli texnika cəmləşib./apa/
1061 dəfə baxılıb
Loading ...
Nur-Az Xeber