Şrift ölçüsü:
A+
A
A-
Kr
28 Oktyabr 2014

Şeyx Əbdül Bakı merini yenidən məhkəməyə verir

“Mən 3 məhkəmə qərarını icra etmədiyinə görə Hacıbala Abutalıbovu yenidən məhkəməyə verirəm”.

Bu barədə modern.az-a aktyor Əbdül Mahmudov məlumat verib.

O deyib ki, qanuni evini uçurub-dağıtdığına görə şəhər merini ilk dəfə məhkəməyə verib və udub. Bundan sonra Hacıbala Abutalıbov məhkəmə qərarından apelyasiya şikayəti verib. Amma merin şikayəti təmin olunmayaraq geri qaytarılıb. Daha sonra icra başçısı Ali Məhkəməyə müraciət edib. Ordan da rədd cavabı alıb: “Merin köməkçisi Zülfəli and-aman edib, başımın altına yastıq qoydu ki, “səs-küy salma, düzələcək hər şey”. İki ildir gözləyirəm, amma ortada bir şey yoxdur”.

Ə. Mahmudovun sözlərinə görə, Fövqaladə Hallar Nazirliyi, Tikinti Təhlükəsizlik İdarəsi, Məhkəmə Ekspert Komissiyaları onun evinə baxış keçirib və xeyrinə yekun qərar çıxarıblar: “Mer rəsmi qərar və qanunları saymır. Bu işə dair qərar verilib və dəyişdirilə bilməz. 3 ay keçməsinə baxmayaraq, Hacıbala Abutalıbov məhkəmə qərarlarını icra etmir. Təxminən bir ay əvvəl kəməkçisi Zülfəli məni təcili çağırdı ki, “mer səninlə görüşmək istəyir”. Naftalanda müalicəmi yarımçıq qoyub Bakıya qayıtdım. Amma odu-budu Zülfəli mənim telefonlarıma cavab vermir. Hətta Prezident Administrasiyasının rəsmi məktubu var ki, 5 gün müddətinə ailə həmin evdən köçürülsün və nəticə barədə məlumat verilsin. Amma ortada heç nə yoxdur”

Qeyd edək ki, “Qış Parkı”nın tikintisi zamanı Əbdül Mahmudovun evinə ciddi ziyan dəyib. Məhkəmənin qərarına əsasən, Hacıbala Abutalıbov zərərçəkmiş evi təmir etdirməli, ya da dəymiş ziyanı ödəməlidir.
1113 dəfə baxılıb
Loading ...
Nur-Az Xeber
07.12.16, 10:54
Hətta bir yuxusuz gecə...
06.12.16, 11:00
Mosulda uğurlu əməliyyat
06.12.16, 09:10
40 dərdin dərmanı