Şrift ölçüsü:
A+
A
A-
Kr
11 Noyabr 2014

Qobustanda siyasi məhbus aclıq aksiyasına başlayıb

Keçmiş OMON-çu, ömürlük məhkum edilmiş Arif Kazımov Qobustan həbsxanasında aclıq aksiyasına başlayıb.

Bu barədə müsavat.com-a dustağın anası Tükəzban Kazımova məlumat verib. Onun sözlərinə görə, oğlu ilə yaxın qohumlarının qanuni ailəvi görüşünə icazə verməyiblər. T. Kazımova deyir ki, əvvəllər görüşə özü gəlirdi. Lakin xəstə olması səbəbindən Qazaxdan gələ bilməyib. Dustaq anası iddia edir ki, onlardan rüşvət istənilib. Bir günlük ailəvi görüşə 100 manat, üç günlük ailəvi görüşə 300 manat məbləğində.

Məhbus anası həbsxana rəisinin rejim üzrə müavini polkovnik - leytenant Aftandil Ağayevi suçlayıb:
“Onu deyim ki, mənim övladıma həmişə qərəzlə yanaşıblar. Çünki digər dustaqlardan fərqli olaraq, mənim övladımın, qohumlarımın pulları yoxdur. Aftandil Ağayevə də pul vermədiyimiz ucun bu oyunu başımıza gətirdi... İndi oğlum ayın 6 dan indiyə kimi aclıq edir”.

Tükəzban Kazımova deyib ki, hadisə ilə bağlı nazir Fikrət Məmmədova da müraciət ünvanlayıb: “Lakin kimsə maraqlanmir onun aclıq etməsi ilə.

Bəs, 70 yaşlı bir xəstə qadinam. Kimə deyim dərdimi?”.
855 dəfə baxılıb
Loading ...
Nur-Az Xeber