Şrift ölçüsü:
A+
A
A-
Kr
30 Dekabr 2014

Abgül Süleymanov 8 saylı Cəzaçəkmə Müəssisəsinə köçürülüb

Məhbus ruhani Abgül Süleymanov 13 saylı Cəzaçəkmə Müəssisəsindən 8 saylı Cəzaçəkmə Müəssisəsinə köçürülüb.

Yerdəyişmə Qaradağ Rayon Məhkəməsinin 5 dekabr qərarına əsasən edilib. 13 saylı Cəzaçəkmə Müəssisəsi rəhbərinin təqdimatı ilə Qaradağ Rayon Məhkəməsi Abgül Süleymanovun 1 il müddətinə qapalı həbsxana rejimində saxlanması haqda qərar çıxarıb. Səbəb kimi məhbusun həbsxanadaxili nizam-intizam qaydalarını pozması göstərilib.

Abgül Süleymanovun vəkili Zaman Səmədov dekabrın 30-da deyib ki, Qobustan həbsxanası kimi 8 saylı Cəzaçəkmə Müəssisəsi də qapalı həbsxanadır.

Vəkil bildirib ki, 8 saylı Cəzaçəkmə Müəssisəsi məhbusun əvvəl saxlandığı 13 saylı müəssisənin yanındadır: “Sadəcə, buradakı saxlama şəraiti qapalı tipli həbsxana rejimində olduğu kimidir”.

Vəkil Penitensiar Xidmətdən icazə məktubu əldə etdikdən sonra Abgül Süleymanovla görüşə biləcəyini deyib.

Abgül Süleymanov 2011-ci ilin avqust ayında şərlənərək həbs olunub. Bakı Ağır Cinayətlər Məhkəməsi onu 11 il müddətinə azadlıqdan məhrum edib. Bakı Apellyasiya Məhkəməsi 23 yanvar 2013-cü il qərarı ilə hökmü qüvvədə saxlayıb. Abgül Süleymanov 2013-cü ildə də Qaradağ Rayon Məhkəməsinin qərarı ilə 6 ay müddətinə qapalı təcridxanada saxlanıb.

2014-cü ildə daha iki islamçı, Azərbaycan İslam Partiyasının lideri Möhsüm Səmədov və ilahiyyatçı Taleh Bağırov qapalı həbsxana rejiminə keçirilib. Onlar Qobustan həbsxanasına köçürülüblər./mediaforum/
817 dəfə baxılıb
Loading ...
Nur-Az Xeber
29.11.16, 12:22
Dollar 1,79-u keçdi
29.11.16, 09:25
Qış yuxusu