Şrift ölçüsü:
A+
A
A-
Kr
11 Fevral 2015

Atasını Suriyaya kabab yeməyə çağıran azərbaycanlı İŞİD-çi öldürüldü – VİDEO

Bir müddət əvvəl yaydığı videoda atasını Suriyaya dəvət edən azərbaycanlı İŞİD-çinin bu ölkədə gedən döyüşlərdə həlak olması barədə məlumat yayılıb.

Əsl adı Dostəliyev Fariz Çingiz oğlu olan həmin şəxs Qaradağ rayonu Səngəçal qəsəbə sakinidir.

Əldə etdiyimiz məlumata görə, Fariz dünən, yəni fevralın 10-da gedən döyüşlərdə öldürülüb.

Mənbənin bildirdiyinə görə, İŞİD-ə qoşulmaq üçün bu ölkəyə gələn şəxslərdən onların telefonları alınır və döyüşlərdə öldürüldükləri təqdirdə, həmin telefondan ölən şəxsin ailəsinə bu barədə SMS-məlumat göndərilir və belə bir məlumat Farizin də ailəsinə daxil olub.

Məsələ ilə bağlı Oxu.Az-a danışan Farizin əmisi Elxanın sözlərinə görə, qəsəbədə gəncin ölümü barədə məlumatlar yayılsa da, bu, hələ dəqiq deyil:

“Belə söz var. Lakin hələ dəqiq bilinmir”, - deyə, Elxan Dostəliyev bildirib.

Onun sözlərinə görə, Fariz beş aydır ki, İŞİD-ə qoşulmaq üçün əvvəl Türkiyəyə, oradan isə Suriyaya keçib.

Elxan Dostəliyev həmçinin ailəsinin Farizin bu hərəkətini qəti şəkildə pislədiyini və onun İŞİD-ə qoşulmasının əleyhinə olduğunu da bildirib.


1299 dəfə baxılıb
Loading ...
Nur-Az Xeber
07.12.16, 10:54
Hətta bir yuxusuz gecə...