Şrift ölçüsü:
A+
A
A-
Kr
18 Fevral 2015

İŞİD xəlifəsi Buka həbsxanasında

ABŞ-ın CBS News kanalı İŞİD xəlifəsi Əbu Bəkr əl-Bağdadinin Buka həbsxanasındakı fotosunu yayımlayıb. Bildirilir ki, ABŞ-ın İraqa hücumu zamanı o, İraqın cənubundakı Buka həbsxanasında saxlanırmış.

2004-cü ilə aid olan bu foto ABŞ-ın hələ illər öncə İŞİD lideri ilə tanışlığını ortaya qoyur. Xatırladaq ki, Buka ABŞ-ın Bəsrədə yerləşən və ən təhlükəli terrorçuların saxlandığı həbsxana idi. Həmin terrorçuların bir qismi 2009-cu ildə ABŞ tərəfindən azadlığa buraxılmışlar.
Deməli, Əbu Bəkr əl-Bağdadi, Əbu Müslim Türkmani, Əbu Qasim və digər İŞİD ünlüləri Suriyada təsadüfən tanış olmayıblar. İŞİD-in hazırkı 9 komandanı məhz Buka həbsxanasının yetirmələridir.

Bukada xidmət etmiş bəzi Amerika hərbçilərinin dediyinə görə, bu həbsxana qeyri-rəsmi olaraq, Terrorçuluq universiteti funksiyasını yerinə yetirirmiş. Həbsxana daxilində dustaqlar dırnaqarası şəriət qanunları tətbiq edir, bəzən hətta edam kimi sərt hökmlər çıxarır və icra edirmişlər.

Nur-az.com
1232 dəfə baxılıb
Loading ...
Nur-Az Xeber
Go to TOP