Şrift ölçüsü:
A+
A
A-
Kr
20 Fevral 2015

500 min kompüterə zərər vurmuş virusun yaradıcısı təqsirini etiraf edib

“Blackshades” kompüter virusunun yaradıcısı Aleks Yusel məhkəmədə öz təqsirini etiraf edib.

"Mən kompüterlərə zərər vuran “Blackshades” proqramını göndərməyə məqsədli şəkildə kömək edirdim" – məhkəmə zalında İsveçin 24 yaşlı vətəndaşı deyib. Prokurorluq iddia edirdi ki, o, həmçinin “Blackshades” adlı təşkilatın rəhbəri idi. Təşkilat virusun satışı ilə məşğul olub və bu yolla 350 min dollardan çox vəsait qazanıb. Ümumilikdə dünyada 500 mindən çox kompüterə zərər dəyib.


"ICTnews" elektron xəbər xidməti “itar-tass.com” saytına istinadən bildirir ki, Yusel 2013-cü ilin noyabrında Moldovada saxlanılıb. 2014-cü ilin mayında onun ABŞ-a ekstradisiyası ilə bağlı qərar qəbul edilib. Avropa İttifaqının polis xidmətinin məlumatına görə, ötən il “Blackshades” virusunun yayılmasının qarşısını almaq üçün xüsusi əməliyyat keçirilib. Nəticədə Avstriya, Belçika, Böyük Britaniya, Almaniya, Danimarka, İtaliya, Kanada, Niderland, ABŞ, Çili, Finlandiya, Fransa, Xorvatiya və Estoniyada 80-dən çox insan həbs edilib.
“Blackshades” hakerlərin kənar kompüterlərə tam müdaxiləsinə imkan yaradan virusdur.

Virus istifadəçilərin sənəd və fotoşəkillərinə baxmağa, həmçinin mikrofon və veb-kameraları aktivləşdirməyə imkan verir. Fırıldaqçılar proqramın köməyi ilə hər hansı fayllara girişi bloklaya və parol üçün pul tələb edə bilərlər.
820 dəfə baxılıb
Loading ...
Nur-Az Xeber
07.12.16, 10:54
Hətta bir yuxusuz gecə...
06.12.16, 11:00
Mosulda uğurlu əməliyyat