Şrift ölçüsü:
A+
A
A-
Kr
05 Mart 2015

Ötən yay Ağdamda ayaqlarını itirən əsgərimiz baxımsız qalıb

Ötən ilin yayında ermənilərin Ağdam istiqamətindəki hücumunun qarşısını alarkən ağır yaralanaraq hər iki ayağını itirən, Türkiyənin Atatürk Təhsil və Araşdırma Xəstəxanasında müalicə edilən 19 yaşlı Azərbaycan əsgəri Sərxan Tahirzadə baxımsız vəziyyətdədir. Yataqda olanda Türkiyənin və Azərbaycanın dövlət adamları, millət vəkillərininbaş çəkdiyi əsgərimiz indi heç kimin yadına düşmür.

Sərxan Tahirzadə üzləşdiyi vəziyyət barədə "qaziler.az" saytına buları deyib: “Açığı, belə münasibət gözləmirdim. Bu, mənə çox pis təsir edir! Bu yaşda iki ayağım yoxdur, dövlətin mənə verdiyi pensiya isə 77 manatdır. 150 manat da prezident təqaüdü verirlər. Mənə düşən sığorta pulumu da Dövlət Sığorta Şirkətindən ala bilmirəm. Deməli, mən bu məbləğlə yaşamalı, hələ bir ailə də qurub onu saxlamalıyam?! Neçə vaxtdır qapanıb qalmışam evdə...”.

Sərxanın anası Mahisə Tahirova oğluna olan biganə münasibətdəh danışıb: “Sərxanı orduya yola salanda boy-buxunlu bir oğlan idi. Üstümə səksən santimetr qayıtdı balam. O, yaralananda, xəstəxanada yatanda hamı halını soruşur, dərdimizi dinləyirdi. Amma indi bizə kömək edən yoxdur. Həyat yoldaşım da əlildir. İşləyə bilmir. Mən onları 220 manatla necə saxlayım?! Əmək və Əhalinin Sosial Müdafiəsi Nazirliyində qəbul şöbəsinin Bayram adlı bir müdiri var. Oğlumla getmişik ki, bizə kömək edin. Qayıdıb bizim üstümüzə çığırır! Ümidimiz Qənirə Paşayevadır. İki dəfə cəhd eləmişik görüşə bilməmişik. Sonuncu dəfə köməkçisi dedi ki, Türkiyədədir, martın 6-da Bakıya gələcək. İndi onu gözləyirik. Oğlumun Bakıya müalicəyə gəlib getməyi var, digər xərcləri var. Lakin heç kəs kömək etmir. Deyirlər Lənkəran Rayon İcra Hakimiyyətinin başçısı Taleh Qaraşov yaxşı adamdır, amma onunla görüşə bilmirik. Bakıya gələndə yardım istədik, müavini bizə qarşı böyük hörmətsizlik etdi”.

Sərxan Tahirzadə bir gün sonra "qaziler.az" saytına deyib ki, deputat Qənirə Paşayeva artıq onunla maraqlanıb: “Yazıdan sonra millət vəkili Qənirə Paşayeva bizə zəng etdi. Anamla danışdı. Bildirdi ki, o, mənim problemlərimin həlli ilə bağlı nə lazımdırsa edəcək”.

960 dəfə baxılıb
Loading ...
Nur-Az Xeber
30.11.16, 09:11