Şrift ölçüsü:
A+
A
A-
Kr
12 Mart 2015

Paytaxtda bir gecədə iki nəfər bıçaqlandı

Ötən gecə Bakıda qadın bıçaqlanıb.

Hadisə Binəqədi rayonunda qeydə alınıb. 30 yaşlı Xəlilova Aygün Şahmar qızı yaşadığı Mehdi Hüseynzadə 16 ünvanında bıçaqlanıb. Yaralı qonşuların köməyi ilə 1 saylı şəhər xəstəxanasına çatdırılıb. Əməliyyat olunan qadının həyatı xilas edilib. İlkin məlumata görə, Aygün Xəlilova tanışı Anar tərəfindən bıçaqlanıb. Qonşuların sözlərinə görə, Anarla Aygün qeyri-rəsmi münasibətdə olublar. Hadisənin isə qısqanclıq zəminində törədildiyi ehtimal olunur. 2 uşaq anası olan Aygün Xəlilova bir neçə il bundan əvvəl boşanıb.

Daha bir bıçaqlanma hadisəsi isə paytaxtın Nizami rayonu, Qara Qarayev prospekti 26 ünvanında qeydə alınıb. Paytaxt sakini Anar Məmmədov təcili tibbi yardım maşını ilə Kliniki Tibbi Mərkəzə çatdırılıb. Bədənin müxtəlif nahiyələrində bıçaq yarası alan paytaxt sakini əməliyyat olunub. Hazırda vəziyyəti orta ağırdır. Faktı Nizami rayon polis idarəsinin 25-ci polis bölməsinin əməkdaşları araşdırır. Anar Məmmədov ilkin ifadəsində ehtiyatsızlıqdan özünə xəsarət yetirdiyini bildirib. Hadisənin hansı zəmində baş verməsi araşdırmalardan sonra məlum olacaq/apa/
662 dəfə baxılıb
Loading ...
Nur-Az Xeber
07.12.16, 10:54
Hətta bir yuxusuz gecə...