Şrift ölçüsü:
A+
A
A-
Kr
05 Aprel 2015

Milli Şura daha bir möhtəşəm mitinq keçirdi FOTO

Xalq "Talana son!" dedi; Etiraz aksiyalarının davamlı olacağı bəyan edildi

Milli Şuranın ölkədə bahalaşmaya, inhisarçılığa, korrupsiyaya etiraz olaraq aprelin 5-nə elan etdiyi “Talana son!” mitinqi uğurla baş tutdu. Təşkilatçıların verdiyi məlumata görə, mitinqdə 10 min nəfər iştirak edib. Mitinqin sonunda eyni tələblərlə aksiyaların davam etdiriləcəyi bildirildi, lakin növbəti aksiyanın konkret tarixi elan olunmadı.

***

Mitinqdən ilkin xəbərləri təqdim edirik. Ən son xəbər ən yuxarıda olandır.

Milli Şuranın sədri Cəmil Həsənli çıxışına ölkədə iqtisadi vəziyyətin pisləşməsini qeyd etməklə başladı. Manatın dəyərinin itirilməsi Azərbaycan xalqının necə çətin vəziyyəti düşməsini vurğuladı. Cəmil Həsənli bildirdi ki, hakimiyyətin yeritdiyi siyasət ona gətirib çıxarıb ki, bu hakimiyyəti müdafiə edənlər də beziblər. Cəmil Həsənli ölkədə kredit faizlərinin çox olduğunu qeyd etdi. "Ölkədə elə bir ailə başçısı yoxdur ki, bankdan kredit almasın. Azərbaycan xalqını bu kredit əsarəti altına salanlar cavab verməlidirlər."

Hazırda AXCP Gənclər Komitəsinin idarə heyətinin üzvü Emil Səlimov çıxış edir.

Milli Şuranın üzvü Oqtay Gülalıyev çıxışında bildirdi ki, hakimiyyət heç bir günahı olmayan insanları şərləyib həbsə atıb.

Çıxış üçün söz AXCP sədrinin müavini Nurəddin Məmmədlidədir. N. Məmmədli bildirdi ki, xalq hakimiyyətin yürütdüyü hazırkı siyasətə etiraz etməlidir. "Bütün məhrumiyyətlərə, əzablara sinə gələrərk bu rejimə qarşı apardığımız mübarizə sonda uğurla bitəcək. Eşq olsun azadlıq aşoqlərinə.

Hazırda Azərbaycan cəmiyyətinin problemlər məngənəsində olduğunu deyən İ.Hüseynli vurğuladı ki, ölkənin elmi təhsili tənənzül edir.

 

Milli Şuranın Koordinasiya Mərkəzinin üzvü Gültəkin Hacıbəyli çıxışına gənclərərə aksiyaya xüsusi çoşqu gətirdiklərinə görə təşəkkür etməklə başladı.  "Elman Rüstəmov açıqlamasında bildirdi ki, Azərbaycan manatıdeyil neft devalvasiyaya uğrayıb. Devalvasiyaya uğrayan manat, neft yox Azərbaycan iqtisadiyyatıdır. Çünki bu iqqtisadiyyat sadəcə kağız üzərindədir", deyə G.Hacıbəyli bildirdi.

Hazırda çıxış üçün söz Milli Şuranın Koordinasiya Mərkəzinin üzvü, ziyalı Eldəniz Quliyevə verilib: "Bunlar ziyalılarımızı, jurnalistlərimizi həbs etdilər. İndi də cibimizə girirlər. Hazırda bu oğru hakimiyyət xalqın sərvətini oğurlayır. Hələ tarixdə görünməyib ki, hakimiyyət öz xalqına nifrətlə qalib gəlsin".  

Daha sonra söz AXCP sədri Əli Kərimliyə verildi: "Hakimiyyət hər addımı ilə sübut edir ki, xalqın dərdinə yabançıdırlar. Azərbaycanda hazırda pulsuzluq üzündən xəstəliklərini müalicə edə bilməyən, əməliyyata gedə bilməyən minlərlə xəstə var. Amma buna baxmayaraq artıq inidən Respublika Sarayının qarşısı bağlanaraq 10 maya hazırlıq görürlər. Bizə belə hökumət lazımdırmı?. Tərtərdən olan Qarabağ qazisi İlham Əliyevə müraciət edib deyiir ki, sizin siyasətiniz məni ölüm həddinə çatdırıb. Qazilər, şəhid ailələri onlara düşən pulları ala bilmir. Amma hakimiyyət xalqın var-dövlətini Avropa klublarına peş-kəç edir. Belə hakimiyyət bizə lazımdırmı. Xalqın 8 milyardı xərclənəndən sonra məlum oldu ki, bir neçə ay sonra keçiriləcək yarışma sadəcə olara Avropa Oyunlarıdır.İlk Olimpiya Oyunları isə Berlin və Qlazqo şəhərlərində keçiriləcək". Ə.Kərimli çıxışının sonunda aksiya iştirakçılarına müraciət edərək bundan sonra aksiyaların davam etdirilib-etdirilməməsini soruşdu və emydandan "davam" cavabını aldı. 

Mitinqi giriş nitqi ilə açan aksiyanın aparıcısı, AXCP Gənclər Komitəsinin sədri İlham Hüseynli mitinq iştirakçılarına müraciət edərək onların Milli Şura ilə birgə "talana son" dediklərinə görə minnətdarlıq etdi. "Biz hakimiyyətə etiraz edərək "Talana son" dediyimiz bir halda bunlar talana davam edirlər. Korrupsiya, rüşvət daha geniş vüsət alır. Biz yenidən ona görə "Talana son" mitinqi keçiririk ki, bunlar talanı dayandırmayıb. Uzun illər davam eden təqib, təzyiq repressiya mübarizəmizi dayandıra bilməyib ", deyə İ.Hüseynli bildirdi.

1582 dəfə baxılıb
Loading ...
Nur-Az Xeber
06.12.16, 11:00
Mosulda uğurlu əməliyyat
06.12.16, 09:10
40 dərdin dərmanı