Şrift ölçüsü:
A+
A
A-
Kr
11 Aprel 2015

Yəmən paytaxtında Səudiyyənin hücumuna qarşı kütləvi mitinq keçirilib

Ötən gün Yəmənin paytaxtında və digər əyalətlərdə 100 mindən çox insan Səudiyyə Ərəbistanın hücumlarına qarşı irimiqyaslı aksiyalar və nümayişlər keçiriblər.

İnterAz-ın "əl-Məsira" telekanalına istinadla verdiyi xəbərə görə, kütləvi nümayişlərin yekun bəyanatında, beynəlxalq ictimaiyyətdədən Səudiyyə Ərəbistanın hücumunun qarşısının alınması və ər-Riyad və müttəfiqlərinin hüquq normaları və beynəlxalq qanunlara uyğun məhkum edilməsi tələb olunub. Bəyanat həmçinin yəmənliləri hücum qaşısında vahid və mübariz olmağa çağırıb.

Qeyd edək ki, Səudiyyə Ərəbistanın hücumu ötən gün də davam edib. Səudiyyə təyyarələri ötən gün paytaxt Sənada müdafiə nazirliyinin binasını vurub. Əmran, Səda, Şəbva əyalətlərində də hava hücumları qedə alınıb.

Yəməndə quruda gedən döyüşlər isə Ədən və Mərib əyalətlərində baş verib. Məribdə ordu qüvvələri və husilər "əl-Qaidə" nəzarətində olan bir bölgəni alıb. Ədən şəhərinin müxtəlif rayonları son sutkada da husilər, Əli Abdullah Saleh və onlara tərəfdar ordu qüvvələri ilə Abdu-Rabbih Mansur Hadinin tərəfdarları arasında döyüşlərin şahidi olub. Səudiyyə Ərəbistanı bu şəhəri intensiv olaraq hava və sudan vurur.

Bu arada Yəmənə hücum edən körfəz ərəb ölkələrinin BMT Təhlükəsizlik Şurasına qaldırmaq istədikləri məsələ hələ də baş tutmayıb. Məlumata görə, Rusiya və körfəz ölkələri sözügedən layihənin bir çox bəndlərində razılığa gəlməyiblər.
681 dəfə baxılıb
Loading ...
Nur-Az Xeber