Şrift ölçüsü:
A+
A
A-
Kr
15 Aprel 2015

Yer planeti ilə bağlı qorxunc açıqlama

Amerikalı alim tərəfindən Yer planeti ilə bağlı qorxunc bir açıqlama yayılıb.

Texas Universitetinin McDonald rəsədxanasında çalışan Judit Gyorgyey-Rays Yer planetinin kosmik boşluqda sürətlə irəliləyən bir meteoritin yolunun üzərində olduğunu bildirib.

Onun sözlərinə görə, meteorit Nyu York şəhərinin simvollarından olan Azadlıq abidəsi böyüklüyündədir. O, göy cisminin 2017-ci ilin oktyabrında planetimizlə toqquşacağını iddia edib.

Xatırladaq ki, 2013-cü ilin fevral ayında bənzər hadisə baş verib. Rusiyaya düşən meteorit 1200 nəfərin yaralanması və xeyli maddi itki ilə nəticələnmişdi. Rusiyaya düşən “2012 TC4” adlı meteoritin sözügedən meteoritdən daha kiçik olduğunu vurğulayan amerikalı alim 2017-ci ildə baş verəcək toqquşmanın nəticələrini təxmin etməyin hələ tez olduğunu bildirib.

Mövzu ilə əlaqədar şərh verən Avropa Kosmik Agentliyinin əməkdaşı Detlef Koşini isə sözügedən meteoritin planetimizlə toqquşma ehtimalının milyonda bir olduğunu deyib./publika/
680 dəfə baxılıb
Loading ...
Nur-Az Xeber