Şrift ölçüsü:
A+
A
A-
Kr
01 May 2015

Rusiya və Çin Aralıq dənizində hərbi təlimlər keçirəcəklər

Rusiya və Çin hərbi mübadilə planına uyğun olaraq mayın ortalarında Aralıq dənizində birgə hərbi təlimlər keçirəcək. “TASS”ın verdiyi xəbərə görə, bu barədə bu gün Çin Müdafiə Nazirliyinin rəsmi nümayəndəsi Qen Yanışen bildirib.

“Tərəflər təlimlərə, ümumilikdə, 9 gəmi cəlb edəcək. Çin tərəfi təlimlərə hazırda Ədən körfəzi və Somali sahilləri yaxınlığında 19-cu konvoyun tərkibində xidmət çəkən “Linyi”, “Veyfan” və “Veyşanxu” gəmilərini göndərəcək”, deyə Yanşen qeyd edib.

Onun sözlərinə görə, təlimlərin məqsədi Çin-Rusiya dövlətlərarası praktiki əməkdaşlığının inkişafı, iki ölkə donanmasının dənizdə yaranacaq təhlükələrə birgə reaksiya imkanlarının gücləndirilməsidir.

Təlimlər zamanı dənizdə müdafiə tədbirləri, gəmilərin müşayiət etdirilməsi, dəniz daşımalarının təhlükəsizliyinin təmin edilməsi istiqamətində birgə tədbirlər və silahların praktiki istifadəsi kimi manevrlər keçiriləcək.

“Birgə təlimlər üçüncü tərəfə qarşı yönəldilməyib və onların regiondakı vəziyyətlə heç bir əlaqəsi yoxdur”, deyə Yanşen qeyd edib.
578 dəfə baxılıb
Loading ...
Nur-Az Xeber
06.12.16, 11:00
Mosulda uğurlu əməliyyat
06.12.16, 09:10
40 dərdin dərmanı