Şrift ölçüsü:
A+
A
A-
Kr
19 May 2015

14 saylı kalonla bağlı dəhşətli faktlar

Məhkum Tahir Əliyev dustaqların başına gətirilən oyunlar barədə nələr danışdı?

“Ölkə rəhbərliyinin başı mötəbər tədbirə qarışdığı vaxtda burada bizim hüquqlarımız ən sərt və kobud şəkildə pozulur”. Bu sözləri 14 saylı cəzaçəkmə müəssisəsində saxlanan məhkum Tahir Əşrəf oğlu Əliyev “Yeni Müsavat”a açdığı telefon zəngi zamanı deyib.
Məhkum bildirib ki, cəzaçəkmə müəssisəsinin rəis müavini Natiq Hacıyev məhkumların prezidentə, ədliyyə nazirinə, dövlət qurumlarına yazdıqları məktubların ünvanına çatmasına imkan vermir: “Biz məhkumlar ”cənab zibil yeşiyi"nə yazmağa məcburuq. Çünki burada yazdığımız məktubları “zampolit” Natiq Hacıyev alıb zibil qabına atır. Baxmır ki, orada prezidentin, nazirin adı var. Kimlərinsə döyülüb öldürülməsi, məhbuslara qarşı haqsızlıqlar məni məcbur edib ki, ölkə vətəndaşlığından imtina edim. 5 il 6 ay müddətinə azadlıqdan məhrum edilmişəm. 4 il 3 aydır ki, buradayam. Müəssisədə barəmdə heç bir cəza tədbiri görülməyib. 8 saylı peşə məktəbində 14 saylı cəzaçəkmə müəssisəsində ola-ola oxumuşam. Ədliyyə və təhsil nazirlərinin qolu ilə mənə diplom da verilib.
Buna baxmayaraq türmə rəhbərliyi barəmdə rəy yazıb ki, məhkum əməyə və təhsilə həvəs göstərmir, marağı yoxdur. Müəssisə rəhbərliyinə mənə 2 nazirin qolu ilə diplom verildiyini deyirəm, deyir ki, sənə o diplomu verənlərin başı işləmir. Üzləşdiyim haqsızlıqlara görə mən 15 sutka aclıq etmişəm. Mənə qarşı haqsızlıqlara etiraz eləmişəm. Bu, mənə Konstitusiya ilə verilən hüquqdur. Qanuna görə, mən yazılı surətdə aclıq etməyimlə bağlı müraciət edirəmsə, məni ayrı saxlamalıdırlar. Amma mənə sutka elan edib müəssisəsinin “şizo”suna saldılar. Ölkə rəhbərliyinin başı mötəbər tədbirə qarışdığı vaxtı burada bizim hüquqlarımız ən sərt və kobud şəkildə pozulur".
Tahir Əliyev ötən il dekabrın 22-də 14 saylı cəzaçəkmə müəssisəsində dünyasını dəyişən Elşad Babayevlə bağlı suala cavabında bunları deyib: “Burada məhkum Elşad Babayevi döyüb öldürüblər. Onu nəzarətçi Rahib və başqaları rəisin razılığı ilə döyüb öldürüblər. Dustaqlar da buna etiraz etmişdi. Bundan sonra ”voyska"nı içəri töküb hamının başını-gözünü partlatdılar. Bizi pis günə saldılar. Elşad Babayevin işini araşdıran müstəntiq türmə rəhbərliyinə sərf edən məhkumları dindirir. Kim ki, həqiqəti deyə bilərdi onları nahaq yerə qapalı cəzaçəkmə yerinə göndərdilər".
Tahir Əliyev hüquqlarını tələb edən bir məhkumun cəza kamerasına salındığını söyləyib: “Dünən məhkum Rauf Qurbanovu ”şizo"ya saldılar. Nə var, nə var, o, dövlət orqanına yazdığı məktubunun göndərilməsini tələb edirdi. Kim nə bilir, onu da məhbusa qarşı edir. Özbaşınalıqdır. Yazın, əgər məni karsa bağlasalar da, yazın. Qoy hamı bizə qarşı haqsızlıqları bilsin".
Tahir Əliyev üzləşdikləri haqsızlıqlarla bağlı 1 il əvvəl Prezident Aparatından, Ədliyyə Naziriliyi yanında Ictimai Komitədən cəzaçəkmə müəssisəsinə gedən rəsmilərə məlumat verib: “Mən çıxış edib problemləri demişəm. 1 ildir ki, demişəm, amma heç bir tədbir görülmədi.
Epilepsiya xəstəsiyəm, övladım 2-ci qrup əlildir. Cəzamın üçdə birini, üçdə ikisini çəkmişəm. Burada ola-ola təhsil almışam, 5 il 6 aydan 4 il 3 ay oturmuşam. Himayəmdə 2 uşağım var. Niyə mənim hüququmu pozurlar? Niyə mənim işimə məhkəmədə baxılmasının qarşısını alırlar?"
Məhkum deyib ki, general Mədət Quliyevə ünvanladığı müraciətləri də ünvanına çatmır. Buna görə də onun xahişi ilə Penitensiar Xidmətin Mətbuat Xidməti ilə əlaqə saxlayıb üzləşdiyi problemlər haqda məlumat verdik. Xidmətin Ruslan adlı əməkdaşı məhkumun üzləşdiyi qanunsuzluq haqda rəhbərliyə məruzə edəcəyini söylədi./azadlıq/
469 dəfə baxılıb
Loading ...
Nur-Az Xeber
07.12.16, 11:29
İfli