Şrift ölçüsü:
A+
A
A-
Kr
28 May 2015

Stoltenberq: “Hərbi əməliyyatlar bərpa oluna bilər”

Ukraynanın şərqində atəşkəs rejimi pozulmaqda davam edir.

TASS agentliyinin verdiyi məlumata görə, bunu NATO-nun baş katibi Yens Stoltenberq bəyan edib.

Vaşinqtonun beynəlxalq və strateji araşdırmalar Mərkəzində çıxış edən Y.Stoltenberq qeyd edib ki, bölgədə hər an hərbi əməliyyatlar bərpa oluna bilər: “Bu səbəbdən mən ABŞ, Almaniya və Fransanın səylərini tam dəstəkləyirəm. Böhran siyasi yolla həll olunmalıdır. Sülhün yolu isə Minsk razılaşmalarının yerinə yetirilməsidir”.

NATO-nun baş katibi Rusiyanı qonşu dövlətlərin sərhədlərini pozmaqda ittiham edib: “Rusiya qondarma Donetsk və Luqansk xalq respublikalarına yardım göstərir, Krımı ilhaq edərək və silahlılara fəal dəstək verərək beynəlxalq hüququ pozur”. Y.Stoltenberqin sözlərinə görə, Ukraynada baş verənlər Avropa qitəsində təhlükəsizliyin əsaslarını sarsıdır./apa/
578 dəfə baxılıb
Loading ...
Nur-Az Xeber
Go to TOP