Şrift ölçüsü:
A+
A
A-
Kr
13 İyun 2015

Azərbaycanlı Finlandiyada təyyarəyə bomba “qoydu”

Bu gün axşam İsveçin Stokholm şəhərindən Finlandiyanın paytaxtı Helskinkiyə uçan, Skandinaviya Hava Yollarına məxsus təyyyarə göyərtədə bomba qoyulduğu barədə xəbərdarlıqdan sonra reysi təxirə salıb.

Naməlum şəxs Helsinki aeroportunda sərhədçilərə yaxınlaşaraq təyyarəyə bomba qoyulduğunu bildirib.

Reys təxirə salınıb, təyyarədə axtarış aparılıb, ancaq partlayıcı tapılmayıb. Həmin şəxs saxlanılıb.

Məlum olub ki, onun adı Skandinaviya hüquq-mühafizə orqanlarına yaxşı tanışdır. Rusiya vətəndaşı olan 49 yaşlı azərbaycanlı Tamerlan Musayev 1993-cü ildə Rusiyanın Tümen şəhərindən Sankt-Peterburqa uçan sərnişin təyyarəsini qumbara partlatmaqla hədələyərək qaçırıb. Layner Stokholmda yerə enib.

Təyyarəni qaçıran şəxs İsveç hakimiyyətindən sığınacaq istəyib, ancaq onu həbs edərək Rusiyaya ekstradisiya ediblər. Tamerlan Musayev hərəkətini onunla izah edib ki, Azərbaycan ordusunda xidmət etmək və Qarabağ müharibəsində iştirak etmək istəmir.

Ötən il isə Musayev “Norwegian Air” şirkətinə məxsus təyyarənin göyərtəsində olarkən baqajında bomba olduğunu bildirib. Təyyarə təcili olaraq İsveçin Göteborg şəhərində yerə enib, sərnişinlər evakuasiya olunub, ancaq bomba tapılmayıb.

Musayev barəsində cinayət işi qaldırılıb. Ona gələn ay hökm oxunmalıdır. Bir il əvvəl törətdiyi əmələ görə onu ya 1 il həbs, ya da cərimə gözləyirdi. Lakin Musayev hökmün elan edilməsini gözləmədən daha bir oxşar əməl törədib./Virtualaz/
666 dəfə baxılıb
Loading ...
Nur-Az Xeber