Şrift ölçüsü:
A+
A
A-
Kr
02 İyul 2015

İrəvan polisindən etirazçılara çağırış

Ermənistan polisi elektrik enerjisi tariflərinin qalxmasına qarşı iki həftədir davam edən etiraz aksiyasının iştirakçılarını Bağramyan prospektindən dağılışmağa çağırıb.

“Polis aksiyanın təşkilatçı və iştirakçılarını sağlam düşüncə, konstitusiyaya və ölkənin qanunlarına, digər şəxslərin hüquq və qanuni maraqlarına hörmət nümayiş etdirərək könüllü şəkildə Bağramyan prospektinin 10 gündür davam edən blokadasına son qoymağa çağırır”. “RİA Novosti”nin verdiyi xəbərə görə, bu barədə polisin bəyanatında bildirilir.

Polis pozulmuş ictimai asayişin güc tətbiq etmədən xoş niyyət və qarşılıqlı anlaşma nümayiş etdirməklə bərpa olunacağına ümidvar olduğunu bildirib.

Polis həmçinin aksiyanın təşkilatçı və iştirakçılarını gələcəkdə ictimai tədbirləri Ermənistanın “Toplaşmaq azadlığı haqqında” qanununun tələblərinə əməl olunmaqla keçirməyə çağırıb./apa/
624 dəfə baxılıb
Loading ...
Nur-Az Xeber
07.12.16, 10:54
Hətta bir yuxusuz gecə...
06.12.16, 11:00
Mosulda uğurlu əməliyyat