Şrift ölçüsü:
A+
A
A-
Kr
07 Noyabr 2015

Cəlilabadda önəmli arxeoloji tapıntı

Cəlilabadda  eramızdan əvvəl 1-ci minilliyə aid edilən maddi-mədəniyyət nümunələri aşkarlanıb. Rayonun Xanəgah kənd sakinləri fərdi təsərrüfatlarında şum apararkən traktorun kotanı qədim məişət və əmək alətlərinə ilişib.  Bu zaman torpaq qatının altından xeyli sayda ev təsərrüfatında işlədilən saxsı və digər məişət məmulatları üzə çıxıb. Xanəgah kənd orta məktəbinin  tarix müəllimi Rza Rzayevin sözlərinə görə, tapıntı ərazidə qədim yaşayış məskənin mövcudluğunu və özünəməxsus mədəniyyətə sahib olan böyük bir  tayfanın yaşadığını   deməyə əsas verir. Tapılan əşyalar eramızdan əvvəl 1-ci minillyin sonunda Xudutəpə yaşayış məskənində müxtəlif dini inancli insanların toplum şəklində yaşamasına dəlalət edir.

 

Ərazidə 5 kiloqramlıq yumru daş  da tapılıb. Tarix müəlliminin qənaətincə, bu  daş düşmənlər tərəfindən əraziyə hücum zamanı mancanaqla atılıb. Belə ki, dəniz səviyyəsindən 700-800 metr yüksəklikdə yerləşən, ətrafı təpələr və çaylarla əhatələnən yaşayış məskəninə yadellilər tərəfindən həmişə hücumlar edilib. Yaşayış məskəninin həmçinin bir vaxtlar Şəhriyar düzündə Şilvəngə ətrafında mövcud olan Muğanna şəhərinin də olduğu ehtimal edilir./apa/

 

Qeyd edək ki, Xudutəpə yaşayış məskəni orta tunc dövrünə aiddir. 


 
 
 
 
391 dəfə baxılıb
Loading ...
Nur-Az Xeber
06.12.16, 11:00
Mosulda uğurlu əməliyyat
06.12.16, 09:10
40 dərdin dərmanı