Şrift ölçüsü:
A+
A
A-
Kr
19 Yanvar 2016

Etibar Piverdiyev minlərlə insanı işsiz qoyur – “Azərenerji”də nəhəng ixtisar dalğası başladı

"Azərenerjı” Açıq Səhmdar Cəmiyyətində (ASC) irimiqyaslı ixtisarlara start veriib.

Bu barədə Qaynar-a ASC-dəki mənbələrdən məlim olub.

Məlumata görə, "Azərenerji”nin 7 min nəfərlik işçi kontingentinin təxminən 3 min nəfərinin ixtisarı planlaşdırılır. "Artıq işçilərə işdən könüllü çıxmaq barədə ərizələr yazdırılır” deyə mənbələrimiz bildiriblər.

"İşdən könüllü çıxmaq barədə ərizə yazmaqdan imtina edənlərə müxtəlif formalarda təzyiqlər olunur. Məsələn, onlara bildirirlər ki, hansı işçilər ərizə yazmaqla bağlı problemlər yaratmasalar, onların başqa sahələrdə işlə təmin olunmasına köməklıik göstəriləcək” – mənbələrimizin məlumatında deyilir.

İxtisar edilən işçilərə heç bir kompensasiya ödənilmir.

Bundan başqa, "Azərenerji”nin ayrı-ayrı idarə rəhbərlərinə cari büdcə vəsaitlərinin ən azı 35-40 faizinə qənaət etmək tapşırılıb. Bildirilib ki, bu göstərişə əməl etməyən rəhbər şəxslər ya görəvlərindən kənarlaşdırılacaq, ya da onların rəhbəri olduqları idarələr həmin idarələr ümumiyyətlə ləğv olunaraq səlahiyyətləri məlum tapşırığı yüksək səviyyədə yerinə yetirən idarələrin tabeliyinə veriləcək.

Xatırladaq ki, ötən il fevralın 10-da Prezident İlham Əliyev "Azərişıq" Açıq Səhmdar Cəmiyyətinin yaradılması haqqında sərəncam imzalayıb. Sərəncama görə, "Bakıelektrikşəbəkə" ASC-nin adı dəyişdirilərək "Azərişıq" ASC adlandırılır. "Azərenerji"nin indiyədək gördüyü əsas iş - ölkə ərazisində istehlakçıların elektrik enerjisi ilə təminatıisə "Azərişıq"a ötürülüb. Bu məqsədlə "Azərenerji"nin balansındakı əmlak və digər avadanlıqlar "Azərişıq"a verilib. Beləliklə, artıq bir ildir Azərbaycan ərazisində elektrik enerjisini satın almaqla istehlakçıların etibarlı, təhlükəsiz və səmərəli şəkildə elektrik enerjisi ilə təchizatını həyata keçirməli, bu sahədə yeni texnologiyaların tətbiqini, maddi-texniki bazanın müasirləşdirilməsini "Azərişıq” yerinə yetirir.

Bu isə Etibar Pirverdiyevin rəhbərio oduğu "Azərenerji”nin yaxın vaxtlarda tamamilə ləğv edilə biləcəyi ehtimalını gündəmə gətirib. Qurumdakı ixtisarlar isə həm bu ASC-nin səlahiyyətlərini əhəmiyyətli şəkildə itirməsi, həm də maliyyə böhranı ilə əlaqələndirilir. Eyni zamanda istisna edilmir ki, ilkin mərhələdə "Azərenerjı”nin işçi potensialı azaldılsın, sonradan isə o tamamilə ləğv edilsin.
727 dəfə baxılıb
Loading ...
Nur-Az Xeber
06.12.16, 11:00
Mosulda uğurlu əməliyyat
06.12.16, 09:10
40 dərdin dərmanı
03.12.16, 10:17