Şrift ölçüsü:
A+
A
A-
Kr
23 Fevral 2016

“Hakimiyyət xalqın qəzəbindən, insanların etirazından qorxur”

Gənc Demokratlar Hərəkatı hesab edir ki, bölgələrdə fəallara qarşı təqib və təzyiqlərin güclənməsi də bu qorxunun nəticəsidir

Gənc Demokratlar Hərəkatı AXCP Sabirabad rayon şöbəsindən Ali Məclisin üzvü Sahib Rüstəmlinin oğlu Rail Rüstəmovun saxta ittihamla həbsilə əlaqədar etiraz bəyanatı yayıb. Bəyanatda bildirilir ki, uzun müddətdir ki, siyasi baxışlarına görə Sahib Rüstəmliyə qarşı təzyiqlər, yerli hüquq-mühafizə orqanları tərəfindən təqib olunması və nəhayət, övladı Rail Rüstəmovun qondarma ittihamla həbs olunması Azərbaycan hökümətinin gərçək mahiyyətini ortaya qoyur.


Xatırladaq ki, Rail Rüstəmov fevralın 16-da Sabirabad Rayon Polis Şöbəsinin əməkdaşları tərəfindən saxlanılıb. AXCP funksionerinin oğlu polisə müqavimət ittihamı ilə məhkəmə qarşısına çıxarılıb və ona 20 sutka inzibati həbs cəzası verilib. Sahib Rüstəmli özü də rayon polis şəbəsinə çağırılıb və orada hədələnib. Ondan “facebook”da tənqidlərə son qoymaq, fəallıq etməmək tələb olunub. Bütün bunlarla yanaşı, həm Sahib Rüstəmlinin, həm də oğlu Rail Rüstəmovun avtomobilləri cərimə meydançasına aparılıb.

“Azərbaycanda vicdan məhbuslarının sayının artması, ictimai-siyasi fəallara qarşı xüsusən bölgələrdə rayon rəhbərliyinin təzyiq və təqiblərinin güclənməsi hakimiyyətin xalqın qəzəbindən, insanların etirazlarından qorxmasının göstəricisidir”, – deyə bəyanatda vurğulanır.

Gənc Demokratlar Hərəkatı hesab edir ki, hakimiyyət ictima-siyasi fəallara qarşı aqressiv davranmaqla, onları saxta ittihamlarla həbs etdirməklə insanların etirazlarının, demokratiya istəklərinin qarşısını ala bilməyəcək: “Hesab edirik ki, hakimiyyət bu təzyiq metodlarından əl çəkməli, siyasi məhbusların azadlığa buraxılması, demokratik və açıq cəmiyyətin formalaşması, sağlam mühitin yaradılması üçün sürətli addımlar atmaldır”./azadlıq/
619 dəfə baxılıb
Loading ...
Nur-Az Xeber
07.12.16, 10:54
Hətta bir yuxusuz gecə...
06.12.16, 11:00
Mosulda uğurlu əməliyyat
06.12.16, 09:10
40 dərdin dərmanı