Şrift ölçüsü:
A+
A
A-
Kr
26 Fevral 2016

5 yaşlı "Messi"nin xəyalı gərçəkləşdi

Ulduz futbolçu 10 nömrəli Argentina formasını imzalayaraq əfqan uşağa göndərib.

Selofan paketdən hazırladığı Leonel Messipaltarıyla bütün dünyanın diqqətini çəkən əfqanıstanlı Murtuza Əhmədinin xəyalı gərçək olub. Uzun müddətdir sosial medianın və xəbər saytlarının gündəmində olan və fanatı olduğu Messinin də diqqətini çəkməyi bacaran 5 yaşlı Murtuza, UNICEF-in də məsələyə qarışması ilə Messinin imzaladığı formasına qovuşub. Futbolçu 10 nömrəli Argentina formasını imzalayaraq əfqan uşağa göndərib.

5 yaşlı uşağın dünya ulduzu ilə görüşü üçün lazımı tədbirlərin görüldüyünü deyən UNICEF rəsmiləri Murtuzanın imzalı formasının fotosunu da qurumun rəsmi “Twitter” hesabında paylaşıblar.

Əfqanıstanlı Murtuza Əhmədinin yeni forması
Əfqanıstanlı Murtuza Əhmədinin yeni forması

Messinin atası Xorxe Messi də oğlunun həmin fotodan xəbərdar olduğunu və 5 yaşlı uşaq üçün nəsə etmək istədiyini bildirib.

Qeyd edək ki, bir müddət əvvəl 5 yaşlı əfqanıstanlı Murtuza Əhməd Leonel Messinin adı yazılan selofan paketi geyərək fotolar çəkdirib. Hadisədən sonra vəziyyətdən xəbərdar edilən Messinin azyaşlı fanatı Murtuza Əhmədlə görüşəcəyi barədə məlumatlar yayılıb.
 
"Əfqanıstan Futbol Federasiyası Messi və "Barselona"dan Murtuza Əhmədlə görüşlə bağlı mesaj alıb" - deyə federasiyasının mətbuat katibi Sayed Əli Kazımi bildirmişdi.

Daha öncə fotodakı uşağın İraqda yaşadığı və adının isə Homid olduğu bildirilirdi. Ancaq sonradan onun Murtuza Əhməd olduğu müəyyənləşib./ans/


Murtuza Əhmədinin sellofon paketdən hazırlanmış Messi forması
Murtuza Əhmədinin sellofon paketdən hazırlanmış Messi forması
791 dəfə baxılıb
Loading ...
Nur-Az Xeber