Şrift ölçüsü:
A+
A
A-
Kr
01 Mart 2016

Azərbaycan iki ayda 8 hərbçi itirib

Dünyasını dəyişənlərin 4-ü döyüş, 4-ü isə qeyri döyüş itkisidir.

2016-cı ildə Azərbaycan Təhlükəsizlik və Müdafiə sektorunda 8 hərbi qulluqçu dünyasını dəyişib. Bu barədə Xəzər Hərbi Tədqiqatlar İnstitutu (Caspian Defense Studies Institute – CDSI) məlumat yayıb.

Qurum Azərbaycan Müdafiə Nazirliyinin və kütləvi informasiya vasitələri üzərində monitorinq həyata keçirib. Fevralın 29-na olan məlumata görə, dünyasını dəyişənlərin 4-ü döyüş, 4-ü isə qeyri döyüş itkisidir.

Silahlı Qüvvələrin 4 hərbi qulluqçusu cəbhə xəttində Ermənistan tərəfinin açdığı atəş nəticəsində həlak olub. Bundan başqa, bir hərbi qulluqçu avtomobil qəzası, bir əsgər xəstəlik nəticəsində, bir nəfərin isə bədbəxt hadisədən dünyasını dəyişdiyi bildirilir. Bir nəfər isə əsgər yoldaşının açdığı atəş nəticəsində dünyasını dəyişib.

Dünyasını dəyişənlərin 5-i əsgər, ikisi müddətdən artıq hərbi xidmət keçən hərbi qulluqçu, 1 nəfərsə leytenant rütbəli zabit olub. Dünyasını dəyişənlərin 7-si Müdafiə Nazirliyinin, 1-i isə Dövlət Sərhəd Xidmətinin hərbi qulluqçuları olublar.

Ötən dövrdə bir hərbçi (MN) avtoqəza nəticəsində xəsarət alıb, bir nəfərsə (DTX) təlim zamanı qumbara partlaması nəticəsində xəsarət alıb.
481 dəfə baxılıb
Loading ...
Nur-Az Xeber
06.12.16, 11:00
Mosulda uğurlu əməliyyat
06.12.16, 09:10
40 dərdin dərmanı