Şrift ölçüsü:
A+
A
A-
Kr
02 Mart 2016

Qonşusunu bıçaqlayan direktor özünü öldürdü

Lerik rayonunda məktəb direktoru qonşusunu bıçaqlayıb.

Report-un məlumatına görə, hadisə ötən gecə rayonun Veri Əliabad kəndində baş verib.

Belə ki, kənd sakini 36 yaşlı Seyid Baloglan oğlu Qurbanov və kənd məktəbinin direktoru işləyən Rəhimov Adil Yaqub oğlu arasında mübahisə düşüb. Münaqişə A.Rəhimov qonşusunu bıçaqlayıb.

Çoxsaylı bıçaq zərbələri alan yaralı bu gün səhər Lənkəran Rayon Mərkəzi Xəstəxanasına (RMX) çatdırılıb. Sinə, kürək və qol nahiyələrində kəsilmiş-deyilmiş yaralar olan Seyid Qurbanova hemopnevmatoraks, yəni ağ çiyərlərin hava və qan kütləsi ilə dolması diaqnozu qoyularaq, dərhal cərrahiyə əməliyyatına alınıb. Onun vəziyyəti ağır qiymətləndirilir.

Faktla bağlı Lerik Rayon Polis Şöbəsində (RPŞ) istintaq tədbirlərinə başlanılıb.

***

Qonşusunu bıçaqlayan Lerik rayonu Veri Əliabad kənd məktəbinin direktoru Adil Rəhimov bu gün səhər saatlarında özünü öldürüb.

Bu barədə Lerik rayon Təhsil Şöbəsindən məlumat verilib.

Məlumatda bildirilib ki, A.Rəhimov bu gün səhər saatlarında qardaşının qəbri üstündə odlu silahla özünü öldürüb.

Adil Rəhimovun Seyid Qurbanovu bıçaqlamasına səbəb aralarındakı torpaq davası olub. Belə ki, S.Qurbanov A.Rəhimovun ailəsinə məxsus torpaq sahəsini zəbt edib. Uzun müddətdir ki, onlar arasında torpaq davası davam edib. Rayonlarda torpaq şöbəsi ləğv edildiyindən torpaq işlərinə icra hakimiyyətləri baxır. Onlar dəfələrlə bu məsələyə görə İcra Hakimiyyətinə müraciət ediblər. İcra nümayəndəsi də kənddə olub, araşdırma aparıblar və torpaq sahəsinin A.Rəhimovun ailəsinə məxsus olduğu təsdiqlənib. Buna baxmayaraq, qarşı tərəf A.Rəhimovun ailəsinə böhtan atıb, məktəbdən şikayətlər yazıblar. Təhsil Şöbəsi də şikayətlər əsasında məktəbdə araşdırma aparıb və əsassız olduğu sübut edilib. Axırıncı dəfə də mübahisə ötən gün olub və bıçaqlanma ilə nəticələnib.
704 dəfə baxılıb
Loading ...
Nur-Az Xeber
07.12.16, 10:54
Hətta bir yuxusuz gecə...