Şrift ölçüsü:
A+
A
A-
Kr
18 May 2016

Fransanın Lion şəhərindəki iğtişaşlarda 5 polis əməkdaşı xəsarət alıb

Fransanın əmək qanunvericiliyinə islahatlar əleyhinə Lion şəhərində keçirilən nümayişlərdə beş polis əməkdaşı xəsarət alıb.

"Report" xəbər verir ki, bu haqda Fransa Daxili İşlər Nazirliyinin rəsmi nümayəndəsi Pyer-Anri Brand məlumat verib.

"Hüquq-mühafizə orqanlarının beş əməkdaşı etiraz aksiyasında yaralanıb. Onlardan biri ağır xəsarət alıb"- deyə Brand bildirib.

Nazirlik rəsmisi həmçinin etiraz aksiyasında 1,7 min nəfərin iştirak etdiyini açıqlayıb. Lakin həmkarlar ittifaqları 7 min etirazçının küçələrə çıxdığını bildirir.

Qeyd edək ki, Fransada əmək qanunvericiliyinə dəyişikliklər edilməsi səbəbindən son iki ayda ölkənin iri şəhərlərində mütəmadi tətillər keçirilir. Etiraz aksiyaları iğtişaşlarla, polislə qarşıdurmalarla müşayiət olunur.
448 dəfə baxılıb
Loading ...
Nur-Az Xeber