Şrift ölçüsü:
A+
A
A-
Kr
28 May 2016

Neftçalanı «işğal» etmiş adam: «GƏNCƏLİ» RAFİQ NƏLƏRƏ MALİKDİR?

İcra başçısı İsmayıl Vəliyev belə ondan çəkinmək məcburiyyətində qalıb, rayonun isə bütün gəlirli sahələri və tutarlı vəzifələri onun əlindədir

Azərbaycanda hər bir icra başçısının öz yanında «boz kardinal» saxlaması adi hala çevrilib. Daha doğrusu, bunu ənənəyə çevirərək, işlərini asanlıqla yürüdə bilmək istəyən icra başçılarının bəziləri seçim məsələsində yanlışa yol verirlər. Yəni, seçdikləri və şans tanıdıqları «boz kardinal»ların bəziləri onların özlərini tələyə salaraq, maraqlarına xidmət etmələrinə məcbur qoyurlar.
Neftçala rayonun kiçik olmasına rəğmən, ölkənin sənaye baxımından ən aparıcı rayonlarından biri olub. Sovet dönəmində təkcə neft və qaz çıxarılması ilə deyil, həm də iri Yod-Brom və Balıqartırma Zavoduna malik olmasına rəğmən, kasıb olaraq qəbul edilən yaşayış məntəqəsidir. Elə bu gün də «Yarımçıq İsmayıl» kimi tanınan icra başçısı İsmayıl Vəliyevin yaratdığı mühitdən dolayı güzəranını güclə qurur neftçalalılar.
Qeyd edək ki, İsmayıl Vəliyevin bir zamanlar böyük imkanlar yaratdığı «Gəncəli Rafiq» kimi tanınan «boz kardinal»ı artıq onun başına bəla olmağa başlayıb. Çünki zamanında yaranmış vəziyyətdən səmərəli istifadə edən sözügedən şəxs rayonda heç bir vəzifə tutmasa da, vəzifə başında xeyli sayda adamları var. «Gəncəli» Rafiqin vəzifəyə təyin etdiyi şəxslərin siyahısını araşdırarkən, məlum olub ki, İsmayıl Vəliyev istəsə belə «boz kardinal»a söz deyə bilməz.
Siyahını təqdim etməmişdən əvvəl bildirək ki, Rafiqin belə bir ləqəb qazanması təsadüfi deyil. O, əslən Gəncə şəhərindədir və sovet dönəmində Neftçala rayonunda işləmək üçün təyinat alıb. Həmin vaxtdan rayonda qalıb, bir çox müəssisə və idarənin müdiri kimi çalışıb. Böyük maddi resurslara malikdir.
İndi isə siyahıyla tanış olun:
- «Gəncəli Rafiq» rayonda idarəçilik sahəsində kifayət qədər bacarıqlı kadr sayılan icra başçısının birinci müavini Dilavər Əliyevi işdən çıxartdıran şəxsdir. Həmin posta isə heç bir təcrübəsi olmayan Vurğun Əkbərovu təyin etdirib.
- Toraq və Xəritəçəkmə Komitəsinin rayon şöbəsinin keçmiş müdiri Mustafa Əliyev. «Gəncəli» Rafiq onu Neftçala İcra Hakimiyyətində şöbə müdiri təyin etdirib. Səbəbi isə Mustafanın bir zamanlar onun xidmətində yüksək səviyyədə durmasıdır.
- Yaxın dostu Aydın Aslanov Neftçala şəhər Bələdiyyəsinin sədri gətirilib.
- «Gəncəli» Rafiqin həyat yoldaşı 3 saylı orta məktəbin direktorudur.
- Neftçala Şəhər İcra Nümayəndəliyinin başçısı Gülqədəm xanımı da məhz Rafiq vəzifə başına gətirib. Ona dəstək üçün isə Gəncədən həmyerlisi Aslanı gətirərək, əvvəlcə bazarkom kimi işlədib, daha sonra isə İcra Nümayəndəliyinin baş mühasibi kimi işlə təmin edib.
- Neftçala Şəhər Kommunal Təsərrüfat İdarəsinin müdiri Seyid Mirmehdi də bu vəzifəyə Rafiqin sayəsində yiyələnib.
- «Gəncəli» Rafiq maraqları üçün heç bir şeyi nəzərə almayan şəxs olaraq tanınır. Məsələn, o, bir müddət əvvəl rayonun Yeniqışlaq kənd bələdiyyəsinin sədri, şəhid atası İmanxan Orucovu işdən çıxarmaq üçün ləkələməkdən belə çəkinməyib. Yerinə isə öz adamını gətirməklə məsələni bitmiş hesab edib.
Neftçala rayonunda vəzifə başına keçmək istəyən şəxsin mütləq «Gəncli» Rafiqlə münasibəti olmalıdır. Hətta münasibəti olmasa belə, onun ətrafıyla yaxın əlaqəyə malik olması şərtdir.
Bu əsnada araşdırmalar zamanı o da məlum olub ki, «Gəncəli» Rafiq təkcə vəzifələrə adam yerləşdirməklə pul qazanmır. Onun həmçinin biznesi də var. Həmin obyekt və sahələrin siyahısı isə aşağıdakı kimidir:

- Rayonun ən gözəgəlimli yerində «Autoturist-Otel» restoranı;
- Rayonun girəcəyindəki Yem İstehsalı Zavodunu özünün taxıl anbarına çevirib;
- Neftçala camaatının istirahət yeri olan Axmaz deyilən ərazini özünün şəxsi nohuruna çevirib;
- Min hektarlarla torpaq sahəsinə malikdir;
- «Aqrolizinq»in regional idarəsinə öz adamını təyin etdirən «Gəncəli» Rafiq bununla gətirilən bütün gübrə və dərmanların, habelə kənd təsərrüfatı texnikalarını şəxsi məqsədləri üçün istifadə edir. Hətta onları satmaq hüququna da malikdir.
- Şirvanlı kəndi ərazisindəki kurort zonasından özü və yaxınları üçün torpaq sahələri əldə edib;
- Həmin kənddəki qum karxanası ona məxsusdur.
/jam/
478 dəfə baxılıb
Loading ...
Nur-Az Xeber
06.12.16, 11:00
Mosulda uğurlu əməliyyat
06.12.16, 09:10
40 dərdin dərmanı