Şrift ölçüsü:
A+
A
A-
Kr
12 İyun 2016

Cahangir Hacıyevin həyat yoldaşı həbs edildi

Beynəlxalq Bankın keçmiş prezidenti Cahangir Hacıyevin həyat yoldaşı Zamirə Hacıyeva həbs edilib

Bu haqda “Basta”ya məlumat verən etibarlı mənbə bildirib ki, Zamirə Hacıyevanın həbs olunması barədə qərar Nərimanov Rayon Məhkəməsində iyunun 1-də çıxarılıb. Onun həbsi barədə təqdimat isə Baş prokurorun müavini Rüstəm Usubov tərəfindən verilib.

Zamirə Hacıyeva korrupsiyada – Beynəlxalq Bankdan sənəd təqdim etmədən kredit kartı götürməkdə və həmin kartdan müxtəlif postterminallar və internet ödənişlər vasitəsilə ümumilikdə 18 min manat pul çıxarmaqda ittiham olunub.

Xatırladaq ki, ABB-nin keçmiş prezidenti Cahangir Hacıyev onunla birlikdə tutulan generallardan fərqli olaraq, öz hüquqlarını fəal müdafiə edirdi. Müşahidəçilərin qənaətinə görə, Cahangir Hacıyevin həyat yoldaşının həbsi onun susdurulmasına hesablanıb.

Mövzu ilə əlaqədar “Basta”ya verilən digər məlumatları dəqiqləşdirdikdən sonra açıqlayacayıq.
441 dəfə baxılıb
Loading ...
Nur-Az Xeber
29.11.16, 12:22
Dollar 1,79-u keçdi