Şrift ölçüsü:
A+
A
A-
Kr
14 Oktyabr 2013

MSK-nın androiddəki səhvi ilə bağlı məsələ böyüyüb

Hüquq-mühafizə orqanları seçkidən bir gün əvvəl sosial şəbəkələrdə yayılmış “mobile application”larla bağlı araşdırmalara başlayıb

Mərkəzi Seçki Komissiyası (MSK) hüquq-mühafizə orqanları ilə birlikdə seçkidən bir gün əvvəl sosial şəbəkələrdə yayılmış “mobile application”larla bağlı araşdırmalara başlayıb.

Bu barədə APA-ya özəl mənbələrdən məlumat daxil olub. MSK-dan bununla bağlı xüsusi açıqlama ilə çıxış edəcək.

Qeyd edək ki, oktyabrın 8-də sosial şəbəkələrdə “Happy Baku” MMC-nin MSK-nın rəsmi saytında yerləşdirilmiş məlumatların smartfon tipli qurğular vasitəsilə əldə edilməsi məqsədilə hazırladığı proqram yayılıb. Proqramda bir dairə üzrə seçkilərlə bağlı nəticələr əksini tapıb.

MSK bununla bağlı açıqlamasında bunu icraçı şirkətin proqramı sınaqdan keçirməsi ilə əlaqələndirib.

Açıqlamada bildirilib ki, proqramın dəqiq, keyfiyyətli və təyinatı üzrə istifadəsini təmin etmək məqsədilə şirkət tərəfindən 8 oktyabr 2013-cü ildə müəyyən müddət ərzində 1 seçki dairəsi üzrə (58 saylı Hacıqabul-Kürdəmir seçki dairəsi) aralıq testlər keçirilib və proqramın testdən keçirilməsi barədə istifadəçilərə məlumat vermək unudulub: ““Apple” şirkəti tərəfindən təsdiq edildiyindən, proqram modulunda 9 oktyabra təyin edilən prezident seçkilərində iştirak edən real namizədlərin adlarından, habelə testin dolğunluğunu təmin etmək məqsədilə əvvəlki seçkilərə aid olan statistik məlumatlardan və builki prezident seçkiləri ərəfəsində keçirilmiş müxtəlif rəy sorğularının ümumiləşdirilmiş nəticələrindən istifadə edilib. Bu isə istifadəçilər tərəfindən haqlı olaraq birmənalı qəbul edilməyib və seçkilərin imicinə kölgə salmaq niyyətində olan şəxslərə əlavə “arqument” verib”.

“Happy Baku” isə şirkəti baş verənlərdən dərin təəssüf hissi keçirdiyini, həmin vaxt proqrama yerləşdirilmiş məlumatların builki seçkilərə heç bir aidiyyətinin olmadığını və yalnız sistemin yoxlanması üçün istifadə olunmuş şərti məlumatlar olduğunu xüsusi vurğulayıb.
2416 dəfə baxılıb
Loading ...
Nur-Az Xeber
07.12.16, 10:54
Hətta bir yuxusuz gecə...
06.12.16, 11:00
Mosulda uğurlu əməliyyat
06.12.16, 09:10
40 dərdin dərmanı