Şrift ölçüsü:
A+
A
A-
Kr
14 Oktyabr 2013

Braziliyaya 4, "play-off"a 5 bilet

Sabah DÇ-2014-ün seçmə mərhələsinin Avropa zonasında mübarizəyə yekun vurulacaq.
Bununla da "köhnə dünya"dan mundiala gedəcək bütün komandalar və play-off mərhələsinin bütün iştirakçıları müəyyənləşəcək.

Bundan əvvəl Belçika (A qrupu), İtaliya (B qrupu), Almaniya (C qrupu), Hollandiya (D qrupu) və İsveçrə (E qrupu) qrup liderliyini təmin edərək Braziliyada təşkil olunacaq dünya çempionatına vəsiqəni təmin edib. Xorvatya (A qrupu), İsveç (C qrupu) və Yunanıstanın (G qrupu) isə play-off mərhələsinə qatılacağı dəqiqdi. Sabah baş tutacaq oyunlarda F, G, H və İ qruplarının qalibləri, B, D, E, F, H və İ qruplarının isə ikincisi müəyyənləşəcək.

Millimizin yer aldığı F qrupunda Rusiya və Portuqaliya 1-2-ci yerlər uğrunda mübarizə aparır. Sabah millimizin rəqibi olacaq Rusiya 1 xal qazanacağı halda mundiala birbaşa vəsiqə qazanacaq. Ruslar Bakıda uduzsa, Portuqaliya Lüksemburqu yenərək birinci yeri təmin edə bilər. Bu iki oyunun nəticəsindən aslı olaraq 1-2-ci yerlərin sahibləri müəyyənləşəcək.

G qrupunda da vəziyyət təxinən eynidi. Belə ki, iki komanda ilk yerlər uğrunda mübarizə aparır, digərləri isə formal oyuna çıxacaq. 1-2-ci pillələri tutan Bosniya və Hersoqovina ilə Yunanıstanın 22-i xalı var. Bosniyalılar Litvanın qonağı olacaq, Yunanıstan Lixtenşteyni sınağa çəkəcək.

H qrupunda İngiltərə və Ukrayna mundiala birbaşa vəsiqə əldə etmək şansını saxlayır. 19 xalı olan İngiltərə Polşanın qəbul edəcək. 18 xalla ikinci pillədə qararlaşan Ukrayna isə San Marinonun qonağı olacaq.

Sonuncu - İ qrupunda İspaniya və Fransa birincilik uğrunda yarışır. Aktivində 17 xal olan İspaniya sabah Gürcüstanı qəbul edəcək və bir xalla birinciliyi təmin edə bilər. Fransa isə Finlandiyanı sınağa çəkəcək.

Play-off mərhələsinə vəsiqələrin taleyinə gəlincə, 9 komandadan 3-ü artıq bəllidi. Qalan 5 komanda isə sabah müəyyənləşəcək. Daha sonra bu 9 komandadan biri - ən pis nəticəyə malik olanı mübarizədən kənarda qalacaq və 8 komanda 4 vəsiqə uğrunda yarışacaq.

B qrupunda Bolqarıstan, Danimarka, Çexiya və Ermənistan mübarizə aparır. İlk iki komandanın 13, növbəti iki yığmanın isə 12 xalı var. Bolqarıstan Çexiyanı, Danimarka Maltanı qəbul edəcək, Ermənistan isə İtaliyanın qonağı olacaq.

D qurunda Türkiyə, Rumıniya və Macarıstan ikinci ola bilər. Türklərlə rumınların 16, macarların 14 xalı var. Türkiyə Hollandiya ilə çətin oyuna çıxacaq. "Ay-ulduzlular" heç-heçə və ya məğlubiyyətlə də play-off mərhələsində iştirak edə bilər. Bunun üçün Rumıniyanın evdə Estoniyaya uduzması, macarların isə səfərdə Andorra ilə oyunda xal itirməsi lazımdı. Bu çətin ehtimal olduğundan Fatih Terimin yetirmələri sabah Hollandiyanı məğlub etməlidi.

E qrupunda ikinci yer uğrunda İslandiya və Sloveniya mübarizə aparır. İslandların 16, sloveniyalıların 15 xalı var. İslandiya artıq iddiası qalmayan Norveçin qonağı olacaq. "Qəbələ"nin üzvü Deyan Kelharın heyətində yer aldığı Sloveniya isə birinciliyi təmin etmiş İsveçrə ilə səfərdə qarşılaşacaq.

F və G qruplarında qeyd etdiyimiz kimi hər 1-2-ci yerlərə iki iddiaçı var. F qrupunda Rusiya və Portuqaliyanın, G qrupunda isə Bosniya və Hersoqovina ilə Yunanıstanın aqibətinə sabahkı oyunlarda saydınlıq gələcək.

C qrupunda 3 komandadan biri ikinci olacaq. Belə ki, İngiltərə və Ukraynanın 1-ci, Çernoqoriyanın isə ikinci olmaq şansı var. İngiltərə Polşanı udsa, Ukrayna San Marinodan bir xal alıb, ikinci yeri təmin edə bilər. Ukraynalılar yeniləcəyi halda Çernoqoriya Moldovanı yenərək Braziliyaya vəsiqəni əldə edəcək.

İ qrupunda ilk iki pilləni tutacaq komandalar bəllidi: İspaniya və Fransa. Onlardan hansının birinci, hansının ikinci olacağına isə sabah aydınlıq gələcək.
1596 dəfə baxılıb
Loading ...
Nur-Az Xeber
07.12.16, 17:15