Şrift ölçüsü:
A+
A
A-
Kr
09 Fevral 2014

Hakim ailənin şirkəti Gədəbəyin suyuna zəhər axıdır?

Şirkət rəhbərliyi bunu təkzib edir, yerli sakinlər isə qırılan qoyun-quzunu dəlil göstərir FOTO

Gədəbəy rayonunun Arıxdam kəndindən həyəcanlı xəbər daxil olub. Hüquq müdafiəçisi Mirvari Qəhrəmanlının facebook səhifəsində yazdığına görə, kənddə çaya zəhər qarışdığı, buna görə də bir neçə qoyunun öldüyü haqda xəbər alıb. O, ölmüş qoyunların və cəsədləri daşıyan maşının fotolarını da paylaşıb. “Verilən məlumata görə, bu kənddə qızıl hasilatı ilə məşğul olan AİMROC şirkətinin faliyyəti nəticəsində çay suyuna buraxılmış zəhərli maddə çaydan su içən 30 qoyunu zəhərləmişdir. Qoyunlardan 25-i ölmüş, qalanlarının sağ qalmasına ümid yoxdur”, - deyə M.Qəhrəmanlı yazıb.

Kənd sakini Məhərrəm Məmmədov "Azadlıq" radiosuna məlumatı təsdiqləyib: «Kənd sakini Fərhad Alıyevə məxsus 30 xırdabuynuzlu heyvan kəndin ortasından keçən çaydan su içəndən sonra zəhərlənib, 25-i artıq ölüb. Heyvanların cəsədlərini tez traktorla yük maşınına yükləyərək aparıb basdırıblar. Bir it də elə suyu içən kimi çayın qırağında ölüb. Kənd sakinləri çox narahatdırlar. İndi o sudan adamlar içsə, necə olacaq?».
Məhərrəm Məmmədov heyvanların ölməsini kəndin yuxarı hissəsində yerləşən «AIMROC» qızıl zavodunun zəhərli maddələri çaya axıtması ilə izah edir.

Azərbaycan Beynəlxalq Mədən Əməliyyatı Şirkətinin (AIMROC) vitse-prezidenti Əbdülcabbar Əhmədov kənd sakinlərinin iddiasını əsasız sayır: «Bu məsələni araşdıracam. Görək nə baş verib. Amma bizim zavoddan çaya zəhərli maddələrin axıdılması ilə bağlı söylənənlər doğru deyil».
Kənd sakinləri isə deyirlər ki, qızıl zavodu işə düşəndən bu kimi hallar dəfələrlə baş verib, amma heç yerdə şikayətlərinə baxılmayıb.

Qızıl zavodu kimindir?

Azərbaycan Beynəlxalq Mədən Əməliyyat Şirkətini (AIMROC) 4 şirkət yaradıb: «Londex Resources, S.A.», «Willy and Meyris S.A.», «Fargate Mining Corporation» və «Globex International LLP». Yaponiya şirkəti «Mindeco» isə layihəyə ümumi nəzarətçidir. Əslində konsorsiumda heç bir payı yoxdur.
AIMROC-un sahibi olan şirkətlərdən biri Britaniyada yerləşir. Bu, müqavilədə 11 faiz payı olan «Globex International» şirkətidir.
Amma əslində «Globex» Panamada qeydiyyatdan keçmiş 3 şirkətə məxsusdur: «Hising Management SA», «Lynden Management Group, Inc.» və «Arblos Management Corporation».
Panamanın dövlət qeydiyyatı reyestrinə əsasən, bu üç şirkəti idarə edənlər arasında prezident Əliyevin iki qızı Leyla və Arzu Əliyevaların adları da var.

1643 dəfə baxılıb
Loading ...
Nur-Az Xeber
29.11.16, 12:22
Dollar 1,79-u keçdi
29.11.16, 12: