Şrift ölçüsü:
A+
A
A-
Kr
23 Aprel 2019

İndoneziyada seçkilərdən sonra səslərin hesablanması zamanı 90-dan çox ölən var

İndoneziyada seçkilərdən sonra səslərin hesablanması zamanı yorğunluqdan azı 91 nəfər ölüb.

Bu barədə Mərkəzi Seçki Komissiyasının sədri Arif Budiman məlumat yayıb.

“Aprelin 17-də bütün ölkədə keçirilən seçkilərdən sonra səslərin hesablanması zamanı seçki komissiyalarının 91 üzvü ölüb, 374 nəfər isə xəstəxanaya aparılıb”, - deyə A.Budiman bildirib. O qeyd edib ki, bir çox yerlərdə iş günü səhər saat 5-də başlayıb və təqribən bir sutka sonra başa çatıb.

İndoneziya Mərkəzi Seçki Komissiyasının məlumatına görə, aprelin 17-də keçirilən seçkilər dünyanın ən böyük seçkiləri olub. Həmin gün İndoneziyada seçicilər prezidentlə yanaşı, parlamentin iki palatasının və yerli qanunverici orqanların üzvlərini seçiblər. Mövcud 20 min yer uğrunda təqribən 240 min namizəd mübarizə aparıb. Seçici fəallığı ilə fərqlənən seçkilərdə 193 milyon seçicinin təqribən 80 faizi iştirak edib. Bütün ölkə üzrə 813 min seçki məntəqəsi fəaliyyət göstərib.
188 dəfə baxılıb
Loading ...
Nur-Az Xeber
18.06.19, 16:56
Platini həbs edildi
Go to TOP