Şrift ölçüsü:
A+
A
A-
Kr
19 Oktyabr 2013

Milli Şuranın mitinqi təxirə salındı

Demokratik Qüvvələrin Milli Şurası mitinqin tarixini dəyişdirib.

Bu barədə APA-ya Müsavat Partiyası başqanının müavini Gülağa Aslanlı məlumat verib. O deyib ki, mitinq oktyabrın 27-də keçirilə bilər: "Oktyabrın 14-də Bakı şəhər İcra Hakimiyyətinə oktyabrın 20-də keçiriləcək mitinqlə bağlı müraciətimiz hələ də cavabsız qalıb. Bu məsələ paytaxt rəhbərliyi tərəfindən həllini tapmayıb. Ona görə də mitinqin oktyabrın 20-də keçirilməsi ilə bağlı birmənalı qərar verə bilmirik. Təklif olunub ki, mitinq oktyabrın 27-də keçirilsin”.

G. Aslanlı bununla bağlı artıq BŞİH-yə rəsmi müraciət göndərdiklərini də qeyd edib. O bildirib ki, buna baxmayaraq, Milli Şuranın prezidentliyə namizədi Cəmil Həsənli Bakıya döndükdən sonra, həmin məsələ təkrar müzakirə ediləcək.

Xatırladaq ki, Milli Şura oktyabrın 20-də paytaxtda mitinq keçirilməsi ilə bağlı BŞİH-yə müraciət göndərdiyini desə də, paytaxt rəhbərliyi bu müraciətin rəsmi şəkildə onlara daxil olmadığını vurğulayıb.
1788 dəfə baxılıb
Loading ...
Nur-Az Xeber