Şrift ölçüsü:
A+
A
A-
Kr
06 Mart 2014

İran yeni ballistik raketlərini təqdim etdi

Tehranın raket texnologiyasının yüksək səviyyəyə çatdığını Pentaqon belə etiraf edir

İranın İnqilab Keşikçiləri korpusu çoxsaylı döyüş başlıqları və yeni növ ballistik raketlərin təqdimatını keçirib.

İranın adı açıqlanmayan ərazisində keçən təqdimatda, müdafiə naziri Hüseyn Dehqan Qiyam, Qədr Haş-1, Fateh 110 və Fars Körfəzi adlı dörd yeni raketi ictimaiyyətə nümayiş etdirib.

Müdafiə naziri Hüseyn Dehqan bildirib ki, əldə olunan yeni növ raketlər həm quru, həm də dəniz hədəflərini yüksək dəqiqliklə məhv etməyə qadirdir, o hədəfdən sapma diapazonunun beş metrdən də az olduğunu diqqətə çatdırıb. Müdafiə nazirinin sözlərinə görə, Qədr Haş-1 və Qiyam raketləri çoxsaylı döyüş başlıqları ilə təchiz olunduğundan onların dağıdıcı qüvvəsi xeyli güclənib. İran ordusu müntəzəm olaraq hərbi texnologiya sahəsindəki nailiyyətləri ictimailəşdirir.

Pentaqon belə 2012-ci ildə dərc etdiyi çox nadir hesabatda, İranın raket texnologiyasındakı irəliləyişləri qeyd edərək, İslam Respublikasının raketlərin dəqiqlik və atəş imkanlarını xeyli təkmilləşdirdiyini etiraf edib. İranın əksər raketlərində bərk və maye yanacaq kombinasiyasından istifadə olunduğundan, bu silahların dəqiqliyini xeyli artırır. İran hazırda 2 min kilometr uzaqlıqda olan hədəfləri, o cümlədən Avropanı vurmağa qadir olan raketlərə sahibdir.
1229 dəfə baxılıb
Loading ...
Nur-Az Xeber