Şrift ölçüsü:
A+
A
A-
Kr
16 Aprel 2014

Neftçilər bir aylıq məcburi iməciliyə cəlb olundu

Dövlət Neft Şirkəti rəhbərliyinin əmri ilə bir aylıq iməciliyə start verilib. Əmrə əsasən, şirkətin tabeliyindəki idarə və müəssisələrdə çalışanların iməcilikdə iştirakı məcburidir.

Bu barədə sosial şəbəkələrdə məlumat yayılıb.

Xəbərdə deyilir ki, bütün idarə və müəssisələrdə iməciliklə bağlı elanlar verilib. Bu elanlar yazılı surətdə hazırlanaraq divarlara asılıb.

Elanda göstərilir ki, neftçilərin şənbə və bazar günləri keçirilən iməciliklərdə iştirakı mütləq və məcburidir. Hətta növbədə olanlar da iməcilikdən kənarda qala bilməzlər. Yəni 12 saatlıq gecə növbəsindən çıxanlar da səhərisi gün iməciliyə qatılmalıdır.

Xəbərə görə, neftçilərə bildiriblər ki, iməciliyə gəlməyənlərin maaşından pul tutulacaq.
1324 dəfə baxılıb
Loading ...
Nur-Az Xeber