Şrift ölçüsü:
A+
A
A-
Kr
16 Aprel 2014

Azərbaycan qazından əldə olunan pullar Fətullah Gülənin kassasına gedir

Türkiyə mətbuatı Fətullah Gülənin Azərbaycandakı əlaqələri ilə bağlı yeni məlumatlar yayıb.

Ərdoğan hökumətinə müxalif olan “Aydınlıq” adlı jurnalın yazdığına görə, “F tipli hörgütün” (Fətullah Gülənin şəbəkəsinə verilən ad-red.) əsas maliyyə mənbələrindən biri Azərbaycan üzərində enerji yatırımlarıdır.

Məqalədə iddia edilir ki, fətullahçı şəbəkə AKP iqtidarı dövründə gücləndirilən “AKFEL Enerco” adlı şirkətin Azərbaycandakı bağlantıları vasitəsilə ciddi maliyyə transferləri alır. Jurnal yazır ki, fətullahçı şəbəkənin Azərbaycandakı güclü strukturunun təməlində bu ölkənin enerji potensialı dayanır.

Yazıda o da bildirilir ki, “AKFEL Enerco” şirkətinin sahibi Fatih Baltaçı Fətullah Gülənə sıx bağlı şəxsdir. Türkiyə ictimaiyyəti onun barəsində o qədər də məlumatlı deyil. Bir müddət TUSKON-un rəhbərliyində də yer alan Fatih Baltaçının şirkəti Türkiyədə təbii qazın topdan satışında inhisarçıya çevrilib. Söhbət Azərbaycan və Rusiyadan idxal edilən təbii qazdan gedir.

AKP hakimiyyətindən əvvəl adi mühəndis işləyən və heç bir kapitala malik olmayan Baltaçı Ərdoğanın hakimiyyətə gəlişindən sonra sürətlə varlanaraq enerji sektorunda mühüm mövqelər qazanmağa başlayıb. 2004-cü ildə o, “AKFEL Enerco” şirkətini 1 milyon türk lirəsi sərmayə ilə qurub. Dövlət enerji şirkətləri İGDAŞ və BOTAŞ-ın elan etdiyi tenderləri bu şirkət udub.

“AKFEÇL Enerco” daha sonra Azərbaycan Dövlət Neft Şirkəti (SOCAR) ilə ortaqlıq qurub, Azərbaycan qazından əldə etdiyi gəlirlərin önəmli hissəsini Fətullah Gülənin kassasına ötürüb.

Ötən ilin dekabrından Fətullah Gülənlə Ərdoğan arasında müharibə açıq müstəviyə keçəndən sonra Fatih Baltaçı ortalarda görünümür və sükuta üstünlük verir. Bununla belə AKP mediası onun adını bir neçə dəfə “paralel örgütün əsas maliyyə qaynaqlarından biri” kimi təqdim edib./virtualaz/

1251 dəfə baxılıb
Loading ...
Nur-Az Xeber
07.12.16, 10:54
Hətta bir yuxusuz gecə...
06.12.16, 11:00
Mosulda uğurlu əməliyyat
06.12.16, 09:50