Şrift ölçüsü:
A+
A
A-
Kr
06 May 2014

Suriyada daha bir azərbaycanlı öldürülüb

Şuşa şəhər sakini Şirazi Hüseynovun atası: “İki ay əvvəl müalicə üçün Türkiyəyə getdi, o vaxtdan ailəsi ilə əlaqə saxlamayıb”

Suriyada daha bir azərbaycanlının öldürülməsi barədə xəbər yayılıb.

Şuşa şəhərində anadan olmuş, 1990-cı il təvəllüdlü Şirazi Şakir oğlu Hüseynov Əsəd qüvvələri tərəfində vuruşurmuş.

O, Azad Suriya Ordusu tərəfindən öldürülüb.

Ş. Hüseynov öldürüldükdən sonra onun üzərindən tapılmış şəxsiyyət vəsiqəsinin, ümumvətəndaş pasportunun və digər şəxsi əşyalarının fotosu yayılıb.

Suriyada ölüm xəbəri yayılan Ş. Hüseynovun atası danışıb.

Ş. Hüseynovun atası Şakir Hüseynov oğlunun iki ay əvvəl Türkiyəyə müalicə üçün getdiyini deyib: “Hazırda onun harada olduğunu bilmirik. İki ay əvvəl müalicə üçün Türkiyəyə getdi, o vaxtdan da ailəsi ilə əlaqə saxlamayıb”.

Ş. Hüseynov oğlunun dinə meylli biri olduğunu da bildirib: “Oğlum namaz qılan idi. Lakin heç vaxt Suriya ilə bağlı evdə danışmayıb. Nə məsələdir, başa düşə bilmirəm”./apa/


1887 dəfə baxılıb
Loading ...
Nur-Az Xeber
30.11.16, 08:23