Şrift ölçüsü:
A+
A
A-
Kr
21 May 2014

İŞİD qruplaşmasının çeçen qurucusu nəhayət öldürüldü

Suriyada Bəşər Əsəd qüvvələri ilə savaşan İraq və Şam İslam Dövləti (İŞİD) qruplaşmasının faktiki rəhbəri, milliyətcə çeçen olan Ömər əl-Şişaninin öldürülməsi ilə bağlı yeni məlumatlar yayılıb.

Ömər Əl-Şişaninin öldürülməsi ilə bağlı bir neçə dəfə xəbərlər və videolar yayılsa da, əslində son bir neçə günə qədər çeçen lider yaşayıbmış.

Çeçen liderinin guya öldürüldüyünün əks olunduğu videoları və xəbərləri İŞİD qruplaşması özü Şişaninin həyatına olan təhlükələrin aradan qaldırılması məqsədi ilə yayıb.

Məlumata görə, İŞİD-in rəhbəri bu dəfə doğrudan öldürülüb.

Qeyd edək ki, İŞİD üzvləri silahlı qrupun qurucusu və düşünən beyni kimi qələmə verilən Əbu Bəkr Əl-Bağdadidən uzaqlaşandan sonra Ömər Əl-Şişani ilə yaxınlaşıb. 2013-cü ilin yay aylarından İŞİD döyüşçülərinə, faktiki olaraq Ömər Əl-Şişani rəhbərlik edib.

Ömər Əl-Şişani Gürcüstan əsilli çeçenlərdəndir və gürcü adı Tarxan Batiraşvilidir. Vaxtı ilə Gürcüstan Silahlı Qüvvələrində xidmət edib.
1242 dəfə baxılıb
Loading ...
Nur-Az Xeber