Şrift ölçüsü:
A+
A
A-
Kr
01 İyun 2014

Türkiyə yenə qarışdı

İstanbulda toqquşmalar zamanı 120, İzmirdə 65, Ankarada isə 45 etirazçı saxlanılıb

Türkiyənin İstanbul, Ankara, Adana və bir neçə şəhərlərində polis və etirazçılar arasında toqquşmalar olub.

Etiraz aksiyaları 2013-cü ilin mayında Taksim meydanında baş vermiş kütləvi etirazların ildönümü ilə əlaqədar təşkil olunub. İstanbulda asayiş keşikçiləri Taksim meydanı yaxınlığında minlərlə etirazçının qatıldığı aksiyanı rezin güllələr, gözyaşardıcı qaz və su şırnaqlarından istifadə edərək dağıdıb. Etirazçılar polis əməkdaşlarına daş, fişəng və "Molotov kokteyli" atıblar. “Anadolu” xəbər agentliyinin məlumatına görə, İstanbuldakı iğtişaşlar zamanı ümümilikdə 120-dək etirazçı saxlanılıb, aksiya iştirakçıları arasında xeyli xəsarət alanların olduğu bildirilir. İstanbul Baş Polis İdarəsinin rəisi Selami Altınokun açıqlamasında əsasən, toqquşmalar zamanı biri polis rəisinin müavini olmaqla 4 asayiş keşikçisi xəsarət alıb.

Məlumata görə, İzmirdə polis və aksiya iştirakçıları arasında qarşıdurma zamanı 65 etirazçı, paytaxt Ankarada isə 45 etirazçı saxlanılıb. "Hürriyyet" qəzetinin məlumatına görə, Ankarada 1500-dək etirazçı şəhərin mərkəzinə doğru yürüş etməyə cəhd edib. Polis etirazçıları dağılışmağa çağırıb, lakin aksiya iştirakçıları yürüşü davam edərək asayiş keşikçilərinə daş və fişənglər atıblar. Polis, buna cavab olaraq, etirazçılara qarşı su şırnaqlarından və gözyaşardıcı qazdan istifadə edib.

Bundan başqa, ötən ilki toqquşmalarda aksiya iştirakçısı Ethem Sarısülükün həlak olduğu ərazidə anım mitinqi və “Gəzi forum” keçirilib, müxalifət partiyalarından olan deputatlar və ictimai xadimlər çıxış edib. İki minədək insanın iştirak etdiyi aksiya zamanı insident baş verməyib.

Məlumata görə, 2013-cü ilin mayında Taksim meydanında baş vermiş kütləvi etirazların ildönümü ilə əlaqədar aksiyalar Türkiyənin bir çox şəhərlərində keçirilib. İzmirdə əllərində ötən ilki toqquşmalarda həlak olmuş şəxslərin və Somada kömür mədənində ölən fəhlələrin şəkillərini tutan etirazçılar şəhərin küçələri ilə yürüş keçiriblər.

Eskişeherdə 5000-dək etirazçı yürüş edərək keçən il iğtişaşlar zamanı həlak olmuş Əli Qorxmazım xatirəsini anıblar.

Aksiyalar həmçinin Kayseri, İzmit, Sivas, Dənizli və bir neçə digər şəhərlərdə də keçirilib. Bu aksiyalarda etirazçı və asayiş keşikçiləri ciddi qarşıdurma müşahidə olunmayıb.

Qeyd edək ki, baş nazir Rəcəb Tayip Ərdoğan bundan əvvəl Taksim meydanında kütləvi etirazların ildönümü ilə əlaqədar aksiyaların keçirilməsinə qoyulan qadağanı pozmağa cəhd edən hər kəsin saxlanılacağını bəyan edib.

Xatırladaq ki, Türkiyə hökuməti ötən ilin mayında Taksim meydanı yaxınlığında Gəzi parkında ağacları qıraraq yerində ticarət-əyləncə kompleksi ucaltmağa qərar vermişdi. Bu qərar ölkənin bir çox şəhərlərində kütləvi iğtişaşlara səbəb olmuşdu./apa/


1359 dəfə baxılıb
Loading ...
Nur-Az Xeber
07.12.16, 10:54
Hətta bir yuxusuz gecə...
06.12.16, 18:17