Шрифт өлчүсү:
А+
А
А-
28 Апрел 2015

Непалда өлү сајы 4 000 олду

Өлкә рәсмиләри тәбии фәлакәт нәтиҹәсиндә өлү сајынын артаҹағыны прогнозлашдырырлар
Непалда дәһшәтли зәлзәлә нәтиҹәсиндә өләнләрин сајы 4 минә чатыб.

Түркијәли хиласедиҹиләр дағынтылар алтындан бир кишини 36 саатдан сонра сағ хилас едибләр. Хәсарәт алан шәхсин шүуру өзүндә олуб. Үзәриндән 3 ҝүн кечмәсинә бахмајараг, дағынтылар алтында һәлә дә сағ галанларын олдуғу еһтимал едилир. Инсанлар һәлә дә үмидләрини итирмәјибләр. Лакин тәбии фәлакәт бөлҝәләриндә ағыр техниканын чатышмазлығы хиласетмә әмәлијјатларыны ләнҝидир. Инсанлар фәрди шәкилдә дағынтылары тәмизләмәјә чалышырлар.

Непал рәсмиләри өлү сајынын артаҹағыны прогнозлашдырырлар. Рәсмиләр һәләлик бәзи дағлыг кәндләрдән хәбәр ала билмәдикләрини дә гејд едибләр.

Мәлумата ҝөрә, зәлзәлә нәтиҹәсиндә 6 500-дән чох инсан хәсарәт алыб.

Өлкәјә һуманитар јардым ҝөстәрмәјә чалышанлар да аз дејил. Индијә гәдәр Азәрбајҹан, Америка Бирләшмиш Штатлары, Түркијә, Русија, Бөјүк Британија, Чин вә Исраил Непала јардым әлини узадыб. Америка Бирләшмиш Штатлары дөвләт катиби Ҹон Керри Непала әлавә олараг 9 милјон доллар мәбләғиндә малијјә дәстәји вәд едиб.
674 дәфә бахылыб
Лоадинҝ ...
Nur-Az Xeber
Go to TOP