Шрифт өлчүсү:
А+
А
А-
05 Сентјабр 2019

Трамп бир һәфтәдә 62 дәфә јалан данышыбАБШ президентинә јени иттиһамлар

АБШ Президенти Доналд Трамп Ағ евдә кечирдији брифингдә “Дориан” гасырғасынын Алабама штатыны да вураҹағы иддиасына һагг газандырмаг үчүн тәһриф едилән сахта хәритә ҝөстәриб.

“Һабер 7” хәбәр верир ки, АБШ-да метеоролоҝијанын һава прогнозлары илә бағлы хәритәләриндән суи-истифадә ҹинајәт сајылыр.

Өлкә ганунвериҹилији белә ҹинајәт төрәдән шәхсләрин 90 ҝүнә гәдәр һәбс олунмасыны нәзәрдә тутур.

Мәлумата ҝөрә, метеоролоҝија стансијасы 20 дәгигә сонра “Тwиттер” сәһифәсиндә Д.Трампын дедикләрини тәкзиб едиб: “Алабама “Дориан”дан зәрәр ҝөрмәјәҹәк. Тәкрар едирик, “Дориан” гасырғасы Алабамаја һеч бир тәсир ҝөстәрмәјәҹәк”.

Д.Трамп исә нүмајиш етдирдији хәритәни кимин һазырламасы барәдә суала ҹавабында дејиб: “Билмирәм, билмирәм”.

ҸНН телевизијасы билдириб ки, АБШ президенти сон бир һәфтә әрзиндә чоху “Тwиттер” васитәси илә олмагла иҹтимаијјәтә 62 дәфә јанлыш мәлумат вериб.

Телевизија Д.Трампын данышдығы бир нечә јаланы да тамашачыларын диггәтинә чатдырыб. “Ҝ7”лијин саммитиндә о, һәјат јолдашы Меланија Трампын Шимали Кореја лидери Ким Чен Ыны јахшы таныдығыны сөјләјиб. Ағ Евдән мәсәлә илә бағлы јајылан ачыгламада Меланијанын Ким Чен Ыны танымадығы вә онунла һеч вахт ҝөрүшмәдији, һәтта телефонла данышмадығы билдирилиб.
114 дәфә бахылыб
Лоадинҝ ...
Nur-Az Xeber
Go to TOP