Шрифт өлчүсү:
А+
А
А-
03 Октјабр 2019

Руһанидән мүһүм тәклиф

Аврасија Игтисади Бирлијинин (АИБ) Ермәнистанда кечирилән саммитиндә Иран Президенти Һәсән Руһани мараглы тәклифлә чыхыш едиб.

Һәсән Руһани чыхышында бирлијә үзв олан дөвләтләри Иранын транзит имканларындан фајдаланмаға чағырыб.

Иран Президенти билдириб ки, Иранын көрфәз, Оман вә Хәзәр дәнизләри саһилләриндә бөјүк инфраструктура малик лиманлары вар. О гејд едиб ки, һәмин дәнизләрин саһилләриндәки Астара, Әмирәбад, Әнзәли, Бәндәр-Аббас, Имам Хомејни, Чабаһар лиманлары истәнилән һәҹмдә јүкләри гәбул едиб јола салмаг имканына маликдир. Бу лиманлар Шимал-Ҹәнуб Бејнәлхалг Нәглијјат Дәһлизинин формалашмасында мүһүм рол ојнајыр.

Президент Һәсән Руһанинин чыхышында мараг доғуран мәгам ондан ибарәтдир ки, ады чәкилән лиманлара дахил олан јүкләр Шимал-Ҹәнуб Бејнәлхалг Нәглијјат Дәһлизи илә дашынаҹаг. Ҹәнуб-Шәрги Асија өлкәләри Русија вә Авропа илә јүк мүбадиләсини вә идхал-ихраҹ әмәлијјатларыны мәһз бу лиманлар васитәсилә һәјата кечирәҹәкләр. Ҹәнуб-Шәрги Асија өлкәләриндән Иранын Чабаһар, Бәндәр-Аббас, Имам Хомејни лиманларына дахил олан јүкләр Гәзвин-Рәшт-Астара (Иран)-Астара (Азәрбајҹан) дәмир јолу васитәсилә транзит олараг Азәрбајҹан әразисиндән кечмәклә Русијаја, орадан исә Гәрби Авропаја дашынаҹаг.

Мәлум олдуғу кими, Гәзвин-Рәшт-Астара (Иран)-Астара (Азәрбајҹан) дәмир јолунун Гәзвин-Рәшт һиссәси артыг истисмара верилиб. Јолун Рәшт-Астара һиссәсиндә ишләр давам едир. Иран Астарасы илә Азәрбајҹан Астарасыны бирләшдирән 8 километрлик дәмир јолу да ики илдир ки, фәалијјәтә башлајыб вә бу јолла Иран Русија илә тиҹарәт әлагәләрини давам етдирир.

Иран Президентинин бу чыхышында ирәли сүрдүјү тәклиф өз өлкәси илә бәрабәр Азәрбајҹанын да хејринәдир. Ермәнистан бөлҝәдә реаллашан диҝәр бејнәлхалг игтисади лајиһәләрдә олдуғу кими, Шимал-Ҹәнуб Бејнәлхалг Нәглијјат Дәһлизиндән дә кәнарда галыб.

Хатырладаг ки, Иран да АИБ-ә гошулмаг нијјәтиндәдир.
96 дәфә бахылыб
Лоадинҝ ...
Nur-Az Xeber
Go to TOP