Шрифт өлчүсү:
А+
А
А-
06 Нојабр 2019

Јемәкдән сонра бунлары етмәк зијандыр

Һәјатымызда бизә ади вә зәрәрсиз ҝәлән бир чох вәрдишләр сәһһәтимизлә бағлы проблемә чеврилә биләр.

Бизим тәкҹә нә јемәјимиз дејил, һәм дә давранышымыз мүһүмдүр. Даһа дәгиг десәк, биз јемәкдән әввәл, јемәк заманы вә јемәкдән сонра нә илә мәшғулуг? Бу вәрдишләр һәзметмә просесинә, мәһсулларын нормал мәнимсәнилмәсинә вә маддәләр мүбадиләсинә өз тәсирини ҝөстәрир. Инанын, буна даһа мәсулијјәтлә јанашмаға дәјәр.

Ҝәлин, јемәкдән сонра нәји едиб-етмәмәјинизин мүмкүн олдуғуну вә бунун сағламлыға зәрәр вура биләҹәјини нәзәрдән кечирәк.

Тәзә мејвәләр јемәк

Сөзсүз ки, бунлар фајдалыдыр. Бир чохлары әминдир ки, тәзә мејвәләр јемәкдән сонра ән јахшы десертдир. Бу, бөјүк јанлышдыр.

Иш орасындадыр ки, тәзә вә дадлы јетишмиш мејвәләр мәдәјә дүшәркән (мәсәлән, дојумлу наһардан сонра) әсас гида илә гаршылыглы тәсирә башлајыр. Туршума вә гыҹгырма просесләри әмәлә ҝәлир, нәтиҹәдә ағырлыг, дискомфорт һисс олунур, һәзметмә позулур. Анҹаг јетишмиш ҝиләмејвә вә мејвәләри тәхминән јемәкдән 1-1,5 саат сонра вә ја әввәл гәбул етсәниз, онлар организмә јалныз фајда ҝәтирәр.

Буну билмәк фајдалыдыр ки, јемәкдән 2 саат әввәл бир аз мејвә гәбулу метаболизми фәаллашдырыр, су балансы нормаллашыр, селлүлоз исә тохлуг һисси јарадараг, сизи чох јемәкдән вә артыг чәкидән мүдафиә едир.

Гәһвә вә чај ичмәк

Бунлар әксәријјәтимизин севимли ичкиләридир. Бир ҝүнү белә бир финҹан ҝүмраһлашдырыҹы гәһвәсиз тәсәввүр етмәк мүмкүн дејил. Лакин һәм биринҹи, һәм икинҹи һалда ичкиләрин тәркибиндә кофеин, туршулар, дубил маддәләр мөвҹуддур. Бу сәбәбдән дә јемәкдән сонра мәсләһәт ҝөрүлмүр. Биз гидадан сағламлыға вә иммунитетә ваҹиб олан витамин вә минераллары алырыг. Кофеин вә туршулар ганјаранма вә һемоглобин һасил олунма просесиндә иштирак едән витаминләри вә дәмири нејтраллашдырыр. Чајын тәркибиндәки дубил маддәләр вә теин гиданын нормал һәзмини поза биләр.

Һәкимләр бу ичкиләри јемәкдән дәрһал сонра дејил, азы бир саат сонра ичмәји мәсләһәт ҝөрүрләр.

Јемәкдән сонра јатмаг

Бу, ән севимли мәшғулијјәтдир! Дадлы јемәк-ичмәкдән сонра мүрҝүләмәк хошдур, ҝөзләр өз-өзүнә бағланыр, дүшүнҹәләр јүнҝүл вә хошаҝәләндир.

Лакин јемәкдән сонра дивана узаныб, үфүги вәзијјәт гәбул едәркән биз организмимизә зијан вурмуш олуруг. Биринҹиси, гиданын бағырсагдан нормал өтүрүлмәси позулур. Икинҹиси, организмдә бүтүн просесләрин, һәмчинин һәзмин сүрәти азалыр вә гида дахилдә һәрәкәтсиз галараг корланыр. Јемәкдән сонра 40-60 дәгигә ҝөзләмәк, даһа сонра узанмаг олар.

Сигарет чәкмәк

Сигаретчәкәнләрин әксәријјәти јемәкдән сонра мүтләг сигарет чәкир. Буну дәрһал етмәк лазым дејил, чүнки токсинләр гиданын тәркибиндәки фајдалы маддәләрә өлдүрүҹү тәсир ҝөстәрир. Јекунда онлар садәҹә һеч бир фајда вермир. Икинҹи сәбәб һеч дә аз әһәмијјәтли дејил. Бу зәрәрли вәрдиш гыҹыгландырылмыш бағырсаг синдрому әмәлә ҝәтирә биләр.

Кәмәрләри бошалтмаг

Буну гида гәбулу заманы вә сонра етмәк лазым дејил. Һәр бир сәриштәли гастроентеролог сизә јемәјә башламадан әввәл белиниздәки кәмәри бир аз бошалтманызы мәсләһәт ҝөрә биләр. Дар, кип ҝејим, бәрк дартылмыш кәмәр һәссас һәзм просесини вә гида өтүрүлмәсини позур. Нәтиҹәдә рефлјукс вә гыҹгырма баш верир.

Әҝәр сиз кәмәринизи бәрк чәкмисинизсә, о заман маса архасына отурмаздан әввәл ону бир аз бошалдын. Иш ондадыр ки, мәдә доларкән сых кәмәр гиданы сахлајыр, сиз кәмәри бошалдаркән гида сүрәтлә ашағы дүшүр, бағырсағын вә һәзм системинин фәалијјәтини дајандырыр.

Јемәкдән сонра ҝәзишмәк

Тәмиз һавада ҝәзинти јемәкдән сонра фајдалыдыр, бу заман калориләр әријир. Бир чохлары әминдирләр ки, бу, белә дә олмалыдыр. Анҹаг јахшы оларды ки, һеч олмаса 15 дәгигә ҝөзләјәсиниз, неҹә дејәрләр, јемәк бир аз һәзм олунсун.

Әҝәр маса архасында дәрһал дуруб ҝүмраһ шәкилдә јүрүсәниз вә ја иш далынҹа ҝетсәниз, о заман һәзметмәмә, туршу рефлјуксу вә мәдә хорасы хәстәликләрини газанмыш оларсыныз.

Гиданы дүзҝүн вә дүшүнәрәк гәбул етмәк лазымдыр!
69 дәфә бахылыб
Лоадинҝ ...
Nur-Az Xeber
Go to TOP