Шрифт өлчүсү:
А+
А
А-
06 Нојабр 2019

Харковда азәрбајҹанлылар арасында атышма, бир нәфәр јараланыб

Украјнанын Харков шәһәриндә өтән ҝүн, нојабрын 5-дә саат 19 радәләриндә Валентиновскаја күчәсиндә атышма баш вериб, бир нәфәр ҝүллә јарасы алыб. Шаһидләрин сөзләринә ҝөрә, гаршыдурма идман клубундакы “һесаблашмадан” сонра јараныб. Һадисә заманы “Митсубисһи” маркалы автомобилә дә зијан дәјиб. Полис әмәкдашлары һадисә јериндән патрон вә ҝүллә ҝөтүрәрәк експерт арашдырмасына ҝөндәриб.

Харков полиси чох кечмәдән атәш ачан ҹинајәткары мүәјјән едиб. Виртуалаз.орҝ билдирир ки, бу барәдә "РБҸ-Украјна" сајты полисин мәтбуат хидмәтинә истинадән мәлумат јајыб.

Мәлумата ҝөрә, ҹинајәткарын 36 јашлы Азәрбајҹан вәтәндашы олдуғу ортаја чыхыб. Һазырда полис ҹинајәткарын тутулмасы үзрә бир сыра зәрури тәдбирләр һәјата кечирир.

Полисдән билдирилиб ки, гарын, чијин вә ајаг наһијәсиндән јараланан 30 јашлы диҝәр Азәрбајҹан вәтәндашы хәстәханаја чатдырылыб. Һәкимләрин дедијинә ҝөрә, онун вәзијјәти орта ағыр гијмәтләндирилиб.

Мәһкәмә Тәһгигатлары Ваһид Рејестринә дахил едилмиш мәлуматлара ҝөрә, Украјна Ҹинајәт Мәҹәлләсинин 115-ҹи маддәсинин 2-ҹи бәндинә әсасән (өлдүрмәјә ҹәһд) ҹинајәт иши башланылыб.
77 дәфә бахылыб
Лоадинҝ ...
Nur-Az Xeber
Go to TOP