Шрифт өлчүсү:
А+
А
А-
23 Март 2020

Ајәтуллаһ Хаменеи: АБШ коронавирусла бағлы әҝәр нәсә едә билирсә, өз халгына көмәк етсин

"АБШ рәсмиләри дә чох гәрибә данышырлар. Чүнки биринҹиси, өзләринин хәстәлијин гаршысыны алмаг үчүн габаглајыҹы тәҹһизат вә дәрман перепаратлары саһәсиндә чатышмазлыглары вар. Онларын бәзи мәсул шәхсләри бу дәһшәтли чатышмазлығын олдуғуну ачыг шәкилдә гејд едирләр. Буна ҝөрә дә әҝәр имканлары варса, өз ҹамаатларына көмәк етсинләр”.

“Леадер.ир” сајты хәбәр верир ки, бу сөзләри Али Рәһбәр Ајәтуллаһ Хаменеи АБШ рәсмиләринин коронавирусла мүбаризәдә Ирана дәрман јардымы етмәјә һазыр олдуғуна даир иддиаларына мүнасибәт билдирәркән дејиб.

Али Рәһбәр Ајәтуллаһ Хаменеи бу ҝүн телевизија васитәсилә Иран халгына үнванладығы ҹанлы мүраҹиәтдә Аллаһ Тәаладан коронавирус бәласыны чох тез бир заманда Иран халгы вә бәшәријјәтин үзәриндән ҝөтүрмәсини диләди.
Бүтүн ҝиҝијеник ҝөстәришләрә әмәл едилмәсинин зәрурилијини вурғулајан Али Рәһбәр, һәр кәси бөјүк Мәбәс бајрамы мүнасибәтилә тәбрик едиб: “Чох әзәмәтли Мәбәс һадисәсинин әһәмијјәти о гәдәрдир ки, Гурани-Кәримдә гејд едилдији кими, Аллаһ бүтүн бөјүк пејғәмбәрләрдән (ә) Мәбәс вахты сонунҹу пејғәмбәрә һәм иман ҝәтирмәләри, һәм дә өз үммәтләринә Ислам пејғәмбәринә иман ҝәтирмәклә јардым ҝөстәрмәләрини вәсијјәт етмәклә бағлы әһд алмышдыр”.

Ајәтуллаһ Хаменеи Исламын дәјәр системинин, о ҹүмләдән фәрди вә сосиал дәјәрләр системи, азадлыг, сосиал әдаләт вә һәјат тәрзинин Әзиз Ислам Пејғәмбәринин (с) пејғәмбәрлијә сечилмәсинин һәгигәтләринин диҝәр мүһүм һиссәси олдуғуну деди: “Халгын бүтүн фәрдләри вә инсан ҹәмијјәтләри бу дәјәрләрә әмәл етдикләри тәгдирдә һәјатын һәгиги вә ширин мәнасыны дәрк едәҹәкләр”.

"Бәзиләри ҝүман едир ки, азадлыг вә сосал әдаләт анлајышлары Гәрбдән ҝәлир" - дејән Ајәтуллаһ Хаменеи билдириб ки, анҹаг Гәрб үч-дөрд әсрдир ки, бу анлајышларла танышдыр. “Һалбуки Ислам 1400 ил бундан габаг бу анлајышлары бәшәријјәтә әрмәған етмиш, гәрблиләрин әдаләтсиз давранышларындан фәргли олараг Исламын илк ҝүнүндән вә мүмкүн олан һәр јердә онлары реаллашдырыб”.

Ајәтуллаһ Хаменеи гејд етди ки, Ислам дөвләтинин тәшкили бесәт һәгигәтләринин ҝерчәкләшдирилмәсинә зәмин јарадыр вә зәруридир: “Әҝәр сијаси гүдрәт формалашмаса, гулдурлар, империалистләр, азадлыг вә әдаләт мүхалифләри, бәшәријјәтин диҝәр дүшмәнләри, һабелә тәнбәллик кими бәзи хүсусијјәтләр бу анлајышлар, дәјәрләр вә һөкмләрин реаллашмасына, инсанын ихлас вә инкишаф јолундакы һәрәкәтинә имкан вермәз. Мәһз елә бу сәбәбдән дә сонунҹу Пејғәмбәр (с) илк мүмкүн фүрсәтдә Мәдинәјә һиҹрәт едәрәк, дөвләт гурду”.

О, билдирди ки, Исламын ајры-ајры заманлардакы, о ҹүмләдән бесәтин илк јүзилликләриндәки инкишафы бесәт һәгигәтләринин әсаслы олмасындан ирәли ҝәлмишдир: “Исламын тәбиәти - инкишаф вә даһа да ҝүҹләнмәкдир. Әҝәр бу ҝүн дә бесәт ресептинә сәдагәтлә әмәл едилсә, Ираны мүхтәлиф јөнләрдән јүксәк зирвәләрә чатдыра вә Ислам мәдәнијјәтини ән узаг үфүгдә ҝерчәкләшдирә биләрик”.

Ајәтуллаһ Хаменеи чыхышынын давамында Аллаһ Тәаланын Гуранда Илаһи пејғәмбәрләр (ә) вә Ислам Пејғәмбәринә (с) гаршы апарылан ҝенишмигјаслы дүшмәнчиликләрлә бағлы бујурдугларына ишарә едәрәк, Ислам дөвләтинә гаршы апарылан ҝенишмигјаслы дүшмәнчиликләрин тәәҹҹүблү олмадығыны деди: “Ислам Республикасынын дүшмәнләри арасында АБШ - ән мәнфур вә ән инадкар дүшмәндир. Чүнки онун рәһбәрләри јалан, һоггабазлыг, тамаһкарлыг, һәјасызлыг, шарлатанлыг да дахил олмагла мүхтәлиф чиркин әхлаги хүсусијјәтләрә малик инсанлардыр. Бундан әлавә, залым, террорчу, чох гәддар вә дашүрәклидирләр”.

Ајәтуллаһ Хаменеи билдириб ки, Аллаһ Тәала дүшмәнләрлә мүбаризә апармаг үчүн Ислам Пејғәмбәринә (с) бесәтин илк ҝүнүндән бир гајда өјрәтди. Бу гајда сәбир, јәни әзмкарлыг, мүгавимәт, дәгиг һесаблама апармагла дүшмәнин һијләләри гаршысында дәјишмәзлик, мүәјјән едилмиш јүксәк мәгсәд истигамәтиндә јүксәк әһвал-руһијјә илә һәрәкәт етмәк, јола давам етмәк принсипләриндән ибарәтдир”.

"Сәбир вә дөзүмлүлүк ағыл, тәдбир вә мәшвәрәтлә мүшајиәт олунарса, гәләбә гәти олаҹаг" - дејән Ајәтуллаһ Хаменеи билдириб ки, гәтијјәтлә дејирәм ки, Иран халгы - сәбирли халгдыр: “Халг бу гырх илдә өз сәбир вә дөзүмлүлүјүнү ҝөстәрмишдир. Бахмајараг ки, рәһбәр шәхсләр вә ја зијалынүмалар бәзән сәбирсизлик едәрәк, һәтта дүшмәнләрлә әмәкдашлыг етмәк сәрһәдләринә гәдәр ирәлиләмишләр. Сәбир етмәк тәслим олмаг дејил, зәифләмәмәк вә тәрәддүдә дүшмәмәк, шүҹаәт вә тәдбирлә дүшмәнин гаршысыны алыб, ону мәғлуб етмәкдир”.

Ајәтуллаһ Хаменеи өлкәнин ҝүҹләнмәсинин зәрурилији илә бағлы сон фикирләринә ишарә едәрәк, бунун мүдафиә вә һәрби саһәдән даһа үстүн олдуғуну деди: “Ҝүҹләнмә - игтисади, елми, мәдәни, сијаси вә тәблиғат аспектләриндән ҝүҹләнмәни еһтива едир”.

Ајәтуллаһ Хаменеи вурғулады ки, ҝүҹләнмәк үчүн мүәјјән васитәләрә еһтијаҹ вар: “Бу васитәләрдән бири өлкә әһалисинин ҝәнҹләр чохлуғуну горумагдыр. Бу ҹәһәтдән дә сон илләр бу мәсәлә дәфәләрлә вурғуланмышдыр”.

О гејд етди ки, вирутал мәканда ҝүҹ вә үстүнлүк, сәһијјә вә мүалиҹә саһәсиндә инкишаф вә үстүнлүк (әлбәттә, бу саһәдә чохлу сајда ишләр вә елми тәдгигатлар һәјата кечирилмишдир) - ҝүҹләнмәјә аид олан васитәләрдәндир: “Истеһсал сычрајышы - ҝүҹләнмә васитәләриндәндир. Әлбәттә, гачагчылыг вә дүшүнүлмәмиш идхалатла мүбаризә, истеһсалчылара стимуллар верилмәси вә дөвләт јардымларындан суи-истифадәләрә гаршы һүгуги мүбаризә мәсәләләри илә бағлы зәрури ҝөстәришләр вар. Гејд олунан ишләр бу ил һәјата кечирилмәлидир”.

Ајәтуллаһ Хаменеи дүнјаны бүрүмүш коронавирус епидемијасындан да данышыб: “Демәк олар ки, дүнјанын бүтүн өлкәләринә јајылмыш бу вирус, бәзи өлкәләрин хәстәлик вә тәләфатларла бағлы һәгигәтләри дејиб, бәзиләринин ҝизләтмәси Гуранын горху, игтисади проблемләр вә ҹанларын тәләф олмасы бәласындан бәһс едән бир ајәсинин нүмунәсидир. Анҹаг Аллаһ Тәала бу бәла гаршысында да сәбри төвсијә едир”.

О әлавә етди: “Сәбир дејиләркән, бурада ишләри дүзҝүн вә ағылла ҝөрмәк, јәни инсанларын өзләри вә өлкә әһалисинин ҹаныны горумаг, бу тәһлүкәли хәстәлији нәзарәтдә сахламаг үчүн әлагәдәр гурумларын ҝөстәриш вә төвсијәләринә әмәл етмәси нәзәрдә тутулур”.

Ајәтуллаһ Хаменеи АБШ рәсмиләринин, Иран истәјәҹәји тәгдирдә дәрман вә мүалиҹә перепаратларыны ҝөндәрәҹәкләри илә бағлы бир нечә дәфә вердикләри ачыгламалара ишарә едәрәк деди: “Америкалылар да чох гәрибә данышырлар. Чүнки биринҹиси, өзләринин хәстәлијин гаршысыны алмаг үчүн габаглајыҹы тәҹһизат вә дәрман перепаратлары саһәсиндә чатымазлыглары вар. Онларын бәзи мәсул шәхсләри бу дәһшәтли чатышмазлығын олдуғуну ачыг шәкилдә гејд едирләр. Буна ҝөрә дә әҝәр имканлары варса, өз ҹамаатларына көмәк етсинләр.

Икинҹиси, Америкалылар өзләри бу вирусу јаратмагда ититһам едилдикләри һалда, һансы ағыллы инсан бу өлкәнин јардымыны гәбул едәр?”

"Америкалылара һеч бир инам јохдур" - дејән Али Рәһбәр билдирди ки, чүнки елә дәрманлар ҝөндәрәрләр ки, вирусу Иранда ја даһа да чох јајар, ја да даһа галыҹы едәр. “Һәтта мүалиҹә һәкимләри ады алтында елә адмлар ҝөндәрәрләр ки, дејиләнә ҝөрә, бир һиссәси хүсусилә јалныз Иран үчүн дүзәлдилмиш бу вирусун тәсиринин неҹә олдуғуну өјрәниб мәлуматларыны тәкмилләшдирәр вә дүшмәнчиликләрини даһа да артырарлар. Америкалыларын сөзләри гәбуледилмәздир”.

Али Рәһбәр чыхышынын сонунда бүтүн халга Коронавирус илә Милли Мүбаризә Фондунун рәһбәрләринин ҝөстәришләрини ҹиддијә алыб, әмәл етмәји төвсијә етди: “Бу гајдалара әсасән, дини комплексләр вә пак һәрәмләр тәтилә чыхды. Тарихимиз боју бунун аналогу олмамышдыр. Анҹаг чарә јохдур, вәзијјәт белә тәләб едир”.

Али Рәһбәр Аллаһ Тәаланын чох тез бир заманда бу бәланын Иран халгынын, мүсәлман халгларын вә бүтүн бәшәријјәтин үзәриндән ҝөтүрәҹәјинә үмидвар олдуғуну деди./маиде/
158 дәфә бахылыб
Лоадинҝ ...
Nur-Az Xeber
Go to TOP