Шрифт өлчүсү:
А+
А
А-
20 Мај 2020

Ислами Ҹиһад Һәрәкаты: Иран Имам Хаменеинин рәһбәрлији илә Фәләстинә дәстәк вермәкдә сабитгәдәмдир

Фәләстин Ислами Ҹиһад Һәрәкатынын јүксәк сәвијјәли үзвләриндән бири “Бејнәлхалг Гүдс Ҝүнү” мүнасибәтилә дејиб: “Иран Ислам Республикасы Имам Хаменеинин рәһбәрлији илә Имам Хомејнинин (р) јолуну давам етдирир, Фәләстин халгына вә мүгавимәт һәрәкатына дәстәк верир.”

Әһмәд әл-Мудәллил дејиб ки, Имам Хомејинин (р) тәјин етдији Бејнәлхалг Гүдс Ҝүнү Гүдсүн Ислам вә әрәбләрә мәхсус олмасына, Фәләстин мәсәләсинин үммәтин әсас мәсәләси олдуғуна тәкид едир.
“Әл-Әһд” информасија мәркәзинин вердији хәбәрә ҝөрә, Ислами Ҹиһад Һәрәкатынын јүксәк сәвијјәли үзвү Әһмәд әл-Мудәллил әлавә едиб: “Имам Хомејни (р) Гүдсүн азад олунмасына тәлаш едирди. Иран Ислам Республикасы Имам Хаменеинин рәһбәрлији илә Имам Хомејнинин (р) јолуну давам етдирир, Фәләстин халгына вә мүгавимәт һәрәкатына дәстәк верир. Беләликлә, мүгавимәт һәрәкаты дөјүш тәҹрүбәләри, Иранын мадди вә һәрби дәстәкләри илә сионист дүшмән үчүн мөвҹудлуг дәһшәти јаратмышдыр.”

Әһмәд әл-Мудәллил бу мүнасибәтлә шәһид сәрдар Гасим Сүлејманинин дә хатирәсини уҹа тутараг, онун Фәләстин вә мүгавимәт һәрәкатына сонсуз дәстәјиндән данышыб.
İслами Ҹиһад Һәрәкатынын үзвү даһа сонра дејиб: “Фәләстин халгы бу ил Гүдс Ҝүнүндә коронавируса ҝөрә, јени фәалијјәтлә һәјата кечирәҹәк вә бу һагда сонрадан мәлумат вериләҹәк.” 

Ислам Ингилабынн Бөјүк Рәһбәри һәзрәт Ајәтуллаһ әл-үзма Хаменеинин бу һәфтәнин ҹүмә ҝүнү Бејнәлхалг Гүдс Ҝүнүн мүнасибәтилә чыхышына да тохунараг дејиб: “Иран Рәһбәри Фәләстин вә Гүдс мәсәләсинә дәстәк вермәкдә сабитгәдәм олмушдур вә Имам Хаменеи ишғал едилмиш әразиләрин азад олунмасы үчүн Фәләстин халгынын тәлашларына, Американын фәләстинлиләрин дүшмәни олмасына бир даһа тәкид едәҹәк.”

Фәләстин Ислами Ҹиһад Һәрәкатынын үзвү Ислам вә әрәб өлкәләриндән истәјиб ки, компасын ҹәһәтини Ислам вә әрәб үммәтинин иззәт вә кәрамәт символу олан Гүдс сәмтинә чәксинләр вә сионист дүшмәнлә мүнасибәтләри нормаллашдырмаға сон гојсунлар.
119 дәфә бахылыб
Лоадинҝ ...
Nur-Az Xeber
25.05.20, 09:07
Русија вә Чин...
Go to TOP