Шрифт өлчүсү:
А+
А
А-
26 Октјабр 2013

"Әрдоған үзр истәмәлидир"

Түркијә баш назиринин Косово илә бағлы бәјанаты рәсми Белградын наразылығына сәбәб олуб
Түркијә баш назири Рәҹәб Тајјиб Әрдоғанын Косовода вердији бәјанат сербијалы сијасәтчиләрин наразылығына сәбәб олуб. АПА-нын “РИА Новости”јә истинадән вердији мәлумата ҝөрә, рәсми Белградын наразылығына сәбәб Әрдоғанын Түркијә илә Косовонун бирҝә тарихә малик олдуғу һагда фикри олуб.

“Мән Косовоја ҝәләндә, өзүмү евимдә кими һисс едирәм. Косово Түркијәдир, Түркијә исә Косоводур”, - дејә Әрдоған билдириб.

Бу фикирләрә ҝөрә Сербија баш назиринин мүавини Александар Вучич Түркијәнин вә шәхсән Әрдоғанын үзр истәмәсини тәләб едиб. “Белә давраныш бејнәлхалг мүнасибәтләрдә јолверилмәздир. Бу сөзләрин архасында ҝерчәк нијјәтләр ҝизләнир”, - дејә о вурғулајыб.

Сербијанын баш назири Ивитса Дачич исә Әрдоғанын бәјанатыны Сербијаја гаршы тәхрибат адландырыб. “Белә шејләр мүасир Авропада мүмкүн дејил. Бу, Белградла Приштина арасындакы мүнасибәтләрин нормаллашмасына мәнфи тәсир ҝөстәрир”.
2832 дәфә бахылыб
Лоадинҝ ...
Nur-Az Xeber
Go to TOP